46. De sancto Hieronymo.

1. Laudemus Christum,

qui est sanctorum verus splendor
idem et creator

2. Caeli, terrae, maris,
angelorum et hominum.

3. Te solum Deum

profitemur et Dominum ;

4. Qui confessores fecisti,
ut salvos faceres

5. Nos a peccatis, sic nostram
assumens formulam.

6. Horum de grege
lex sacerdotum
processit,
vir Dei, Ieronymus,

7. Qui lux immensa
in templo Dei
refulsit,
ut stella in nebula.

8. Hic homo Domini
natus est Dalmatiae,
lotus baptismate.

9. Hinc Romae latinis
et graecis imbuitur
litteris apprime.

10. Donatum

habuit praeceptorem
in arte grammatica,
septiformem
spiritum lustrantem
et electum vas
sibi praeparantem.

11. Postquam omne

mundanarum capitum

litterarum est adeptus

studium,

sanctorum probatum

est consectatus

virorum habitum.

12. Tenens continua,
quae tibi placent,
o vera sapientia,

13. Mentis munditiam,
fraternam curam
et carnis continentiam,

14. Te verum Deum
est imitatus,
divina

gratia repletus.

15. Multos instruxit,
omnes monuit
mundumque

spernere informavit.

16. Ecclesiam Christi verbis
et factis plenius illustravit ;

17. Ex moribus refulgentem
das multis ipsum priorem.

18. Hic talentum creditum
reportat Domino
huncque super bona
cuncta locat
et ei conregnat ;

19. Quem inter convivia
caelestis gratiae
Christus iam suscepit,
cui mente
fideli adhaesit.

20. Qualis sit,
tute cernit.
te quia sitivit,
quia semper te optavit.

21. Nostri sis

memor, Christi
petimus confessor
atque veniae precator.

22. Rex, Deus, clemens
in omnes,
nos salva,

peccatorum tergas cuncta crimina
et da aeterna gaudia.