8. In Resurrectione Domini.

1. Landantes triumphantem Christum
pangamus hymnum,

2. Qui mundi principe
devicto

3. Servili nos solvit
a vinclo.

4. Qua propter cum pridem mutis
resonare nunc decet organis

5. Et laudum concentu digno
occurrere surgenti Domino.

6. Qui morte victa diem hunc
ornavit gloriosi
pompa triumphi,

7. Quo et eduxit populum
signatum de Aegypto
sanguine suo,

8. Principis et regno
maligni populato
et ipso strato

9. Electos caelestem
concessit ascendere
in Jerusalem.

10. Hinc, fratres cari,
simul laetemur
sacratissimo
diei huius festo,

11. Qua fortis leo
daemone victo
surgens tumulo
illuxit omni mundo.

12. Et sanctarum

exemplo moniti mulierum
quaeramus Christum,

13. Invenimus

quem cito, aromata virtutum
si praeparamus.

14. Quod ipse praestet pius.