18. De Beata Maria V.

1. Virgini Mariae laudes
intonent christiani.

2. Eva tristis abstulit,
sed Maria protulit
natum, qui redemit
peccatores.

3. Ius et virtus modulo
convenere stupendo,
Mariae filius
regnat Deus.

4. Dic nobis, Maria,
virgo clemens et pia,
Quomodo facta es genetrix,
cum tu sis plasma de te nascentis?

5. Angelus est testis,

ad me missus caelestis ;
Natus est ex me spes mea,
sed incredula manet Judaea.

6. Credendum est magis soli
Gabrieli forti,
quam Iudaeorum
pravae cohorti.

7. Scimus Christum processisse
ex Maria vere ;
tu nobis, nate
rex, miserere.