54. De sancta Katherina.

1. Laetabundus

'' exsultet fidelis chorus,
Alleluia.''

2. Katherina

Maxentii vicit fraudes,
Res miranda.

3. Oratores superat,
docet et illuminat
Tamquam stella ;

4. Manet et sub verbere

plena Dei munere,

Semper clara.

5. ''Sicut sidus radium,
''Katherina gladium
Pari forma :

6. ''Neque sidus radio,
''neque martyr gladio
Fit corrupta.

7. Ecce, iam purissimi
flagrat oder balsami
Valle nostra,

8. Dum virtus altissimi
famulatur virgini
Carne sumpta.

9. Agnus, sponsus virginum,
sponsi pandit gremium ;
turbatur gentilium
Turba caeca,

10. Nesciens prophetico
ore vel dominico
tempore non modico
Haec praedicta.

11. Huius fert oleum
sacrum mausoleum,
per quod sanatur
Gens misera.

12. Nunc, virgo, propera,
nobis confoedera
hunc, quem genuit
Puerpera.