SERMO X.

DE FORMA DONATIONIS

SUB SPECIE PANIS TRITICEI.

Venite, comedite panem meum, etc. Prov. IX, 5. Convertentur:... vivent tritico. Osee, XIV, 8. Vel aliud.

Tertium circa formam donationis corporis Domini considerandum est, quod Dominus dat illud sub specie panis triticei, et non alterius, et hoc propter tria :

I. Propter hujus grani prae caeteris naturalem nobilitatem. II. Propter fidelium discretam in eo significationem. III. Propter corporis sui expressam similitudinem.

I.

Primum probatur a tribus. Quia, 1. Hoc granum est purissimum. 2. Quia ad panem communissimum, 3. et Quia ad panem maxime nutritivum.

1. Primo, hoc granum est purissimum, quia haec species solum inter alias attingit complementum, id est, summam puritatem. Nam, ut Alchimici, idest, aurifices in speciebus quibusdam, licet multas species esse videantur : tamen una est quas attingit complementum, et alias sunt differentes ab ea quibusdam aegritudinibus, sicut patet de auro, et ideo omne metallum purgatione materias in aurum debet transmutari, sic etiam videmus de grauis, quod bonitate terrae purgatur si-

ligo, et in triticum nobilitatur, et ideo tricipliter et absolute panis triticeus est panis, propter excellentem puritatis suae nobilitatem.

2. Secundo, granum tritici est ad panem communissimum, quia competit sanis et infirmis, imo omni animali panem comedenti : et ideo vere est panis, propter communis convenientiae nobilitatem.

3. Tertio, granum tritici est ad panem maxime nutritivum ,quia puritate naturali et competibilitate communi maxime membris adhaeret, et confortat, et hac ratione congruum est, ut nobilissimum corpus quasi nobilissimus panis filiorum Dei detur filiis, sub specie nobilissimi panis, scilicet triticei.

II.

Secundo, dat Dominus corpus suum sub specie panis triticei, propter fidelium discretam in eo significationem. Sicut enim triticum secundum triplicem statum habet considerari, sic fidelium universitas in tres status solet distingui. Triticum autem consideratur, 1. Vel secundum quod constat in agris, 2. Vel secundum quod grana separantur a paleis, 3. Vel secundum quod grana jam purgata, locantur in granariis. Similiter inter fideles tres differentia sunt, 1. Incipientium, 2. Proficientium, 3. Perfectorum. Primi significantur per triticum stans in agro, secundi per grana quas purgantur a paleis, tertii per grana purgata quae locantur in granariis. Primi desiderant optimam doctrinam Praedicatorum, secundi frequentem purgationem peccatorum, tertii aeternam requiem beatorum.

1. De primo, Job, XXXVII, 11 et 12: Frumentum desiderat nubes, et nubes spargunt lumen suum. Quae lustrant per circuitum. Gregorius : " Electi sunt fru-" mentum Dei coelestibus horreis recon-

" dendi : frumentum nubes desiderat, " quia electus quisque praesentiam suam " sanctorum praedicatorum exoptat. Nu- " bes lumen spargunt, quia predicatores " sancti exemplo vitas et bene agendo et " loquendo dilatant. Nubes autem cuncta " per circuitum lustrant, quia praedica-" tionis luce mundi fines illuminant.

2. De secundo, Judicum, VI, 11 et 12 : Cum Gedeon excuteret atque purgaret frumenta in torculari, ut fugeret Madian, apparuit ei Angelus Domini. Gedeon electum quemque significat, qui sub umbra sanctas crucis, rectitudinem judicii confessionis quasi virga cor suum a vitiorum paleis sequestrat: consolatio eum divina contra daemonum tentamenta confortat. Eccli. II, 20 : Qui timent Dominum, praeparabunt corda sua, et in conspectu illius sanctificabunt animas suas.

3. De tertio, Job, v, 17 et 26 : Increpationem Domini ne reprobes,.... et ingredieris in abundantia in sepulcrum, id est, locum tibi in regno Dei praeparatum, sicut infertur acervus tritici in tempore suo, id est, caetera multitudo beatorum. Luc. iii, 16 et 17 : Venit fortior me post me, cujus ventilabrum in manu ejus, et purgabit aream suam, et congregabit triticum in horreum suum, paleas autem comburet igne inexstinguibili.

III.

Tertio dat Dominus corpus suum sub specie panis triticei, propter corporis sui expressam similitudinem. Triticum enim potest tribus modis considerari, scilicet, 1. Ut jacens in acervo, 2. Ut cadens in agro, 3. Ut in panis complemento. Penes primum modum significat corpus, ut in Virgine conceptum, penes secundum ut pro nobis in mundo passura, penes tertium ut in coelo glorificatum. In primo mater Christi multum honoratur, in secundo peccator liberatur, in tertio beatus delectatur.

1. De primo, Cant. VII, 2 : Venter tuus sicut acervus tritici, vallatus liliis. Venter est corpus Beatae Virginis. Luc. XI, 27: Beatus venter, qui te portavit. Acervus tritici, munda membra Christi, ut conservata in utero virginali. Lilia, decor omnimodae castitatis, quo ornantur membra et sensus Beatas Virginis.

2. De secundo, Joan. xii, 24 et 25 : Nisi granum frumenti cadens in terram, mortuum fuerit, etc : Si aulemmortuum fuerit, multum fructum affert. Christus enim per mortem suam genus humanum de morte aeterna liberavit. Ad Rom. v, 8 et 9 : Commendat charitatem suam Deus in nobis: quoniam cum adhuc peccatores essemus, Christus pro nobis mortuus est. Ex hoc quod Dominus se dicit granum frumenti, habet Ecclesia quod sub nulla alia specie panis consecrat corpus Domini.

3. De tertio, Zach. IX, 17: Quidbonum ejus est, et quid pulchrum ejus, nisi frumentum electorum ? quasi panis pulcherrimus, dulcissimus, et nobilissimus corporis Christi in gloria beatorum.

Hinc sciendum, quod beati habebunt in eo triplex bonum : 1. Omnium deliciarum praeparationem, 2. Omnium desideriorum impletionem, 3. Omnium bonorum securam et aeternam fruitionem.

1. De primo, Gen. xlix, 20 : Aser, pinguis panis ejus, et praebebit delicias regibus. Psal. lxvii, 11: Parasti in dulce-

dine tua pauperi, Deus. Sap. XVI, 20 : Paratum panem de coelo praestitisti illis sine labore, omne delectamentum in se habentem, et omnis saporis suavitatem. I ad Corinth. ii, 9 : Oculus non vidit, nec auris audivit, nec in cor hominis ascendit, quae praeparavit Deus iis qui diligunt illum.

2. De secundo, Psal. cxlvii, 12 et 14 : Lauda Jerusalem Dominum:... qui posuit fines tuos pacem : et adipe frumenti satiat te. Item, Psal. CII, 1,5 : Benedic anima mea Domino :... qui replet in bonis desiderium tuum. Jerem. XXXI, 14: Inebriabo animam sacerdotum pinguedine: et populus meus bonis meis adimplebitur. Sap. XVI, 21 : Substantia tua dulcedinem tuam, quam in filios habes, ostendebat : et deserviens uniuscujusque voluntati, ad quod quisque volebat, convertebatur.

3. De tertio, Luc. XIV, 15 :Beatus, qui manducabit panem in regno Dei, scilicet, propter omnium bonorum securam sine fine fruitionem. Isa. lxii, 8 et 9: Juravit Dominus in dextera sua: Si dedero triticum tuum ultra cibum inimicis tuis : et si biberint filii alieni vinum tuum, in quo laborasti. Quia qui congregant illud, comedent : et qui comportant illud, bibent in atriis sanctis meis. Hic comedunt et bibunt mali cum bonis, ibi erunt mali sub aeterno interdicto, et boni in securo, et esterno Christi convivio. Psal. xv, 10: Adimplebis me Iaetitia cum vultu tuo: delectationes in dextera tua usque in finem. Amen.