298 Acta Apostolicae Sedis - Commentarium Officiale

SANCTI IOANNIS PORTORICENSIS

Beatificationis et Canonizationis Servi Dei Raphaëlis Cordero Molina Christifidelis

Laici (1790-1868)

DECRETUM SUPER VIRTUTIBUS

« Sinite parvulos venire ad me » ( Mc 10, 14).

Per quinquaginta et octo annos indesinenter Servus Dei Raphaël Cordero

Molina gratis et amore Dei parvulos erudivit.

Servus Dei, ex patre servo et matre libera, ambo tamen e nigra progenie,

die 24 mensis Octobris anni 1790 in civitate Santi Ioannis Portoricensis

natus est ac die 7 mensis Novembris in ecclesia Cathedrali eiusdem civitatis

fuit baptizatus; confirmationem autem recepit die 5 mensis Iulii anni 1804.

Annos viginti natus, aulam scholasticam aptavit in domo sua ad quam sua-

viter pueros per vias vagantes intrare compellebat, eosque, a sexto usque

ad decimum annum aetatis, legere, scribere, numerare et orare, absque ullo

emolumento, quotidie edocebat. Initio et fine lectionum pueri antiphonam

Salve Regina recitabant, saepe professionem fidei et orationem dominicam

repetebant, catechismum recolebant.

Raphaël, etsi titulo seu diplomate academico carebat, adeo arte paeda-

gogica praeditus erat, ut cito nonnulli pauperes parvuli, cuiuscumque coloris

aut condicionis, sive filii servorum essent sive liberi, laeti in domum magistri

convolare coeperunt. Post aliquot autem annos etiam pueri altioris coetus

socialis scholam frequentare desiderabant, et magister Raphaël absque ulla

difficultate eos admisit atque tempora praecurrens, ut dici solet, veram

et fraternam communionem sive inter parvulos sive inter eorum familias,

absque ulla distinctione coloris vel coetus socialis, instauravit. Insuper om-

nes, etiam divitiores, gratis edocebat, quodsi aliqua familia aliquid solvere

decernebat, non pro se sed ut pauperiores adiuvaret pecuniam accipiebat.

Notatu dignum quod magister Raphaël scientiam, quam parvulis com-

municabat, domi a parentibus suis didicerat, qui magisterium exercebant,

sed cum essent pauperes non potuerunt filium in scholam publicam altioris

gradus mittere, ideoque titulo seu diplomate academico carebat Raphaël,

quapropter, postquam per quinquaginta annos et amplius magisterium exer-

cuerat, cum promulgata fuisset lex quae exercere magisterium prohibebat