Congregatio de Causis Sanctorum 291

ream est adepta atque munus explevit aestimatae institutricis et etiam

moderatricis Instituti Magistralis Canossianarum Tarvisii. Serva Dei sensiit

tamen altissimum desiderium ut Ecclesiae daret familiam « filiarum », quae

eam cognoscerent, amarent eique servirent necnon ut Ecclesiam cognos-

ci et amari facerent. Episcopus Tarvisinus Andreas Hyacinthus Longhin

(nunc beatus), qui eius factus est spiritalis moderator, permisit ei « aptum

instrumentum » ad fundationem quaerere. Ab anno 1931 ad annum 1937

difficultates et impedimenta ad consilii adimpletionem se multiplicaverunt

et his in circumstantiis Serva Dei testimonium heroicae fidei dedit, spei et

oboedientiae. Tandem, post translationem ad Venetias, conditiones fuerunt

ad experimentum probandum atque die 24 mensis Iunii anno 1938, simul

cum quattuor iuvenibus, Operam Filiarum Ecclesiae ad primos initiavit pas-

sus, et deinde habuit expansionem numericam, territorialem et apostolicam.

Serva Dei, a Summo Pontifice Pio XII a voto absoluta ut cunctam per vitam

Canossiana esset, die 2 mensis Augusti anno 1946 vota nuncupavit perpe-

tua veluti Filia Ecclesiae et ab illo tempore usque ad mortem Moderatrix

Generalis fuit sui Instituti, quod die 8 mensis Iunii anno 1957 definitivam

accepit approbationem.

Mater Maria Oliva, cui Deus dono dedit spiritalem maternitatem, ex

contemplatione magnanimum apostolicum fervorem hauriens, se instituendis

dicavit suis spiritualibus filiabus, eas verbis et exemplo concitans; attente

magisterium est secuta ut temporis signa legeret atque opportune necessi-

tatibus Ecclesiae responderet, suis etiam filiabus sollicitudinem tradens de

salute fratrum deque christianorum unitate. In spiritali eius indole amor

Patris eminuit, constans studium ut se ipsam Iesu Christo conformaret, in

humilitate potissimum et in oboedientia, erga Spiritum Sanctum docilitas;

teneritas resplenduit ad Virginem, quam semper veluti Matrem Ecclesiae

est venerata quamque plena in deditione Iesu eiusque Mystico Corpori est

imitata. Contemplationem suam nutrivit semper de liturgia hauriens, desi-

derans ad omnes cum luce Evangelii pervenire. Ex adoratione eucharistica

et continua oratione vim prompsit ut populum adiret.

Cum pauca cultus aedificia in suburbiis essent Romae, Bononiae et in

Italia meridionali, tria vehicula publica veluti sacella apparare fecit, sic

dictas « ecclesiolas itinerantes ». Studiose est conata provocationibus mundi

suae aetatis respondere etiam per commentaria atque diffusionem textuum