Congregatio de Causis Sanctorum 289

Fama sanctitatis eius perspecta, iuxta Curiam Gerundensem a die 26

mensis Iunii ad diem 3 mensis Maii anno 1998 Inquisitio dioecesana celebrata

est, cuius iuridica validitas ab hac Congregatione de Causis Sanctorum per

Decretum diei 4 mensis Iulii anno 1998 est approbata. Exarata Positione,

die 11 mensis Ianuarii anno 2005 Historicorum Consultorum Congressus,

positivo cum exitu, habitus est. Deinde secundum normas disceptatum est an

Serva Dei heroum in gradum virtutes excoluisset. Die 8 mensis Iunii anno

2012 alter Congressus, prospero cum exitu, celebratus est. Patres Cardina-

les et Episcopi die 19 mensis Novembris anno 2013 in Sessione Ordinaria

congregati, me Angelo card. Amato praesidente, Servam Dei virtutes theo-

logales, cardinales et adnexas heroicum in modum exercuisse agnoverunt.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tem-

perantia et Fortitudine, iisque adnexis, in gradu heroico, Servae Dei Mariae

Rosae Teresiae Gay i Tibau, Fundatricis Instituti Sororum a Sancto Ioseph

nunc Religiosarum a Sancto Ioseph de Gerona, in casu et ad effectum de

quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 9 mensis Decembris a.D. 2013.

angeluS card. amato, S.D.b. Praefectus

L. G S.

G marcelluS bartolucci

Archiep. tit. Mevaniensis, a Secretis