Congregatio de Causis Sanctorum 287

ACTA CONGREGATIONUM

CONGREGATIO DE CAUSIS SANCTORUM

GERUNDENSIS

Beatificationis et Canonizationis Servae Dei Mariae Rosae Teresiae Gay i Tibau

Fundatricis Instituti Sororum a Sancto Ioseph nunc Religiosarum a Sancto Ioseph

de Gerona (1813-1884)

DECRETUM SUPER VIRTUTIBUS

« Confiteor tibi, Pater, Domine caeli et terrae, quod abscondisti haec a

sapientibus et prudentibus et revelasti ea parvulis » ( Lc 10, 12).

In vita et in spirituali itinere Servae Dei Mariae Rosae Teresiae Gay i

Tibau verba hymni iubilationis Christi aptissime confirmantur, enim vere

Pater « haec » mundi potentes celavit revelavitque autem pusillae ac humili

Servae, quae die 24 mensis Octobris anno 1813 nata est in pago v.d. Llagos-

tera iuxta oppidum Gerundense, in familia opibus parva et christiana fide

firmissima. Secundo vix anno aetatis exigente, Serva Dei patrem perdidit,

dum, Hiberica paeninsula e Napoleonis exercitibus invasa et Catalonia de-

tenta, pagus Llagosterae nonnullis annis in Gallorum exercituum ditione

manet. Paulo post patris obitum Paulus fraterculus natus est. Serva Dei cum

eo et cum matre vixit, a qua primam christianam et vix litterarum institu-

tionem habuit. Pueritia et adulescentia domesticis in muneribus incubuit.

Anno 1850 iuxta valetudinarium Sanctae Catharinae Gerundae Servae

Dei mater decessit, illa in vice Maria Rosa doctorem Amerium Ros ani-

madvertit et cognovit. Post matris obitum et fratris matrimonium, Maria

Rosa, familiaribus e muneribus soluta, statuit se Gerundam migrare, quo

novum regimen vitae aggressa est, versans ut doctoris famula et adiutrix

in aegrotorum cura. Haec consuetudo et hoc ministerium eam fecerunt

certiorem de destitutionis condicione, in qua multi infirmorum degerent.

Illo tempore Serva Dei primum Tertio Ordini Sancti Dominici et deinde So-