Acta Apostolicae Sedis - Commentarium Officiale342

CONGREGATIONES GENERALES

Sede Apostolica vacante, Em.mus Angelus S.R.E. Card. Sodano, Decanus

Sacri Collegii Cardinalium, die 1 mensis Martii decrevit Congregationes

Generales die 4 eiusdem mensis incohandas esse. Ideo hoc ipso die, ad

normas Constitutionis Apostolicae Universi Dominici Gregis necnon

Litterarum Apostolicarum Motu Proprio datarum Normas nonnullas,

primae duae Congregationes Generales habitae sunt, praesidentibus,

utroque secundum proprium munus, Tharsicio Bertone, Sanctae Romanae

Ecclesiae Camerario, et Angelo Sodano, Collegii Cardinalium Decano.

Has inter Congregationes centum quadraginta duo Patres Cardinales sa-

crosanctum ius iurandum persolverunt. Tres quoque Cardinales Assistentes

electi sunt, nempe Ioannes Baptista Re, ex Episcopis, Crescentius Sepe,

ex Presbyteris, Franciscus Rodé, ex Diaconis. Decanus, Patribus faven-

tibus, grantulantem et ominantem nuntium misit ad Summum Pontificem

emeritum. Primam et secundam meditationem Rev.mus Contionator

Pontificius protulit ad normam Costitutionis Apostolicae.

Tertia vertente Congregatione Patres Cardinales decreverunt Missam Pro

Ecclesia die 6 mensis Martii in Petriana Basilica esse celebrandam.

Quarta Congregatio Generalis locum habuit die 6 mensis Martii, et postri-

die quinta, in qua sorte electi sunt tres Cardinales Assistentes, qui, una cum

Cardinale Camerario, constituerunt Congregationem Particularem ad nor-

mam Const. Ap. Universi Dominici Gregis (n. 7), qui fuerunt Em.mi D.ni

Cardinales Béchara Boutros Raı̈, Laurentius Monsengwo Pasinya atque

Velasius De Paolis.

Postea habita est sexta congregatio. Die vero 8 mensis Martii, peracta est

septima Congregatio Generalis. Cardinalis Decanus aliis Patribus Cardinali-

bus notam fecit renuntiationem scriptam, qua Em.mi D.ni Cardinales Iulius

Darmaatmadja et Keith Michaelis O'Brien nuntiabant se Conclavi non inter-

venturos. Quapropter Patres Electores aderunt tantummodo centum quin-

decim. Octava perdurante Congregatione, Patres Cardinales statuerunt Con-

clave die 12 mensis Martii hora 16,30 in Sacello Paulino Apostolicae Domus

incohandum esse. Mane diei 9 mensis Martii, nona vertente Congregatione

Generali, Patribus nuntiatum est Missam pro eligendo Pontifice die 12 mensis

Martii in Petriana Basilica esse celebrandam; ad cuius participationem tum