Acta Apostolicae Sedis - Commentarium Officiale534

Hoc autem decretum publici iuris fieri et in Acta Congregationis de Causis

Sanctorum Summus Pontifex referri mandavit.

Datum Romae, die 2 mensis Aprilis A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci

Archiep. tit. Mevaniensis, a Secretis

MEDIOLANENSIS seu KENGTUGHENSIS

Beatificationis et Canonizationis Ven. Servi Dei Clementis Vismara, Sacerdotis

Pontificii Instituti pro Missionibus Exteris (1897-1988)

DECRETUM SUPER MIRACULO

Venerabilis Servus Dei Clemens Vismara die 6 mensis Septembris anno

1897 ortus est in oppido v. d. Agrate Brianza, nunc ex Provincia Montiana.

Ille enim, primo bello mundiali composito, quo perdurante nomismate meriti

causa honestatus erat, apud Mediolanense Institutum pro Missionibus Exte-

ris est exceptus et die 26 mensis Maii anno 1923 sacro presbyteratus ordine

insignitus. Die 2 sequentis mensis Augusti in Birmaniam, in praesens Myan-

mar appellatam et ex dioecesi Kengtunghensi, missus est, ubi maximam sui

intensi apostolatus partem apud tenuiores explicavit, praecipue in pagis

Mong Lin e Mong Pin, in contextu oeconomice ac moraliter oneroso versanti-

bus. Per quinque et sexaginta annos in quibus vires impendit ad Evangelium

indefesse nuntiandum, Venerabilis Servus Dei cotidianam vitam gessit una

cum innumeris orphanis, senibus, infirmis, de quibus curam adhibuit ut illis

necessarium ad vivendum minime deesset. Die 15 mensis Iunii anno 1988,

unum et nonaginta aetatis annos agens, in pago Mong Pin placide animam

Domino tradidit. Summus Pontifex Benedictus XVI die 15 mensis Martii

anno 2008 heroicas approbavit virtutes.