Acta Apostolicae Sedis - Commentarium Officiale520

Fama martyrii harum quinque sororum perpensa, die 4 mensis Decembris

anno 1999 Curia Archidioecesana Vhrbosnensis intuitu beatificationis

dioecesanam instruxit Inquisitionem, quae post tres annos conclusa est,

cuius iuridicam validitatem Congregatio de Causis Sanctorum approbavit

Decretum edens die 13 mensis Iunii anno 2003.

Apparata Positione, disceptatum est de coniecto Servarum Dei martyrio.

Consultores Historici sententiam tulerunt die 17 mensis Martii anno 2009.

Congressus Peculiaris Consultorum Theologorum habitus est cum exitu

positivo die 24 mensis Februarii anno 2010. Purpurati Patres et Episcopi,

in Sessione Ordinaria die 14 mensis Decembris anno 2010 congregati, audita

relatione Ponentis Causae, Exc.mi D.ni Raphaelis Martinelli, Episcopi

Tusculani, edixerunt Servas Dei in odium fidei martyrium subiisse.

De hisce omnibus rebus, referente subscripto Cardinale Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servarum Dei Mariae Iuliae Ivanišević et IV Sociarum,

Congregationis Filiarum a Caritate Divina, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 14 mensis Ianuarii A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. el. Mevaniensis, a Secretis