Acta Apostolicae Sedis - Commentarium Officiale522

gravitatem respirandi. Die 15 mensis Novembris ex integra thoracis analysi

quaedam obtusitatis regio detecta est in dimidio inferiore pulmonis dextri,

quocirca therapia antibiotica per penicillinam praescripta est. Sequens ana-

lysis thoracis, peracta die 3 mensis Decembris eiusdem anni 1947, induxit ad

statuendam diagnosim bronchopulmonitis cum abscessu pulmonario. Novus

cyclus therapiae cum penicillina aegrotanti applicatus est, attamen perstite-

runt elata temperatura, dispnoea, tussis assidua et insufficientia cordis cum

gravi vitae discrimine aegrotantis.

Sorores communitatis, die Nativitatis Domini, ipsa in anniversaria me-

moria pii transitus Matris Antoniae, per eius intercessionem preces effundere

coeperunt ad sanationem Sororis Mariae Caietanae assequendam, et earum

participes fecerunt hospites quoque convictus et pueros Instituti.

Die 26 mensis Decembris medicus infaustum edixit exitum ad breve

tempus et suasit ut illi infirmorum Unctio administraretur.

Attamen, currente nocte inter dies 26 et 27 eiusdem mensis, Soror Caie-

tana inopinate convaluit: noctem transegit satis placida et mane hora sexta

est exspergefacta ita proferens: «Mater Antonia sanavit me! ». Etenim medi-

cus, qui die 27 eiusdem mensis circa horam septimam ad infirmam visitan-

dam se contulerat, in normali statu invenit eam, quoniam eius tussis erat fere

dilapsa, quapropter restitutam agnovit sanationem.

Soror Maria Caietana consueta opera resumpsit; et examen radiographi-

cum, die 18 mensis Ianuarii anno 1948 peractum, notabilem bonae valetudi-

nis progressionem revelavit in comparatione inspectionum praecedentium;

tandem sanationem confirmavit.

Processus dioecesanus habitus est apud Curiam Curiensem in Helvetia a

die 24 mensis Maii ad diem 1 mensis Iunii anni 1966, cuius validitatem

approbavit Congregatio de Causis Sanctorum Decretum edens die 27 mensis

Maii anno 1994.

Consilium Medicorum in Sessione diei 4 mensis Martii anno 2010, unanimi

ex consensu sanationem Sororis Mariae Caietanae Corbella agnovit instanta-

neam fuisse, perfectam ac constantem et ex scientia medica inexplicabilem

quoad modum.

Die 15 mensis Iulii anno 2010 actus est Congressus Peculiaris Consulto-

rum Theologorum, qui ex sententiarum consensu, in sanatione sororis Mariae

Caietanae Corbella agnoverunt intercessionem apud Deum Venerabilis

Servae Dei Antoniae Mariae Verna.