Congregatio de Causis Sanctorum 531

nibus traditis non respondebat et valetudinis condicio magis magisque in

deterius ruebat.

Omnibus maxime stupentibus, sanatio, quae inde ab initis precibus per

intercessionem Venerabilis Servae Dei iam adumbrabatur, brevi temporis

spatio expleta est, et infirmus suam in domum redire potuit.

De hac sanatione, quae mira est habita, in Archidioecesi Pacensi in

Bolivia instructa est Inquisitio dioecesana a die 9 ad diem 21 mensis Iunii

anno 2006, cuius iuridicam validitatem approbavit haec Congregatio de

Causis Sanctorum Decretum edens die 31 mensis Martii anno 2007.

Medicorum Dicasterii Consilium die 20 mensis Maii anno 2010 agnovit

huiusmodi sanationem secundum leges scientiae medicae inexplicabilem

esse, ac celerem fuisse, perfectam et absque residuis. Die 5 sequentis mensis

Octobris habitus est Congressus Peculiaris Consultorum Theologorum et die

15 mensis Februarii anno 2011 Sessio Ordinaria Patrum Cardinalium et

Episcoporum, Ponente Causae Exc.mo D.no Raphaelo Martinelli, Episcopo

Tusculano. Et in utroque Coetu, sive Consultorum sive Cardinalium et

Episcoporum, posito dubio an de miraculo divinitus patrato constaret,

responsum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Venera-

bilis Servae Dei Mariae Catharinae Irigoyen Echegaray (in rel.: Mariae a

Desponsatione), Sororis Professae Instituti Servarum Mariae Infirmis Minis-

trantium, videlicet de celeri, perfecta ac constanti sanatione domini Aloisii

Ferdinandi Padilla Gómez, ab « edema cerebrale e igroma subdurale con compli-

cazioni ».

Hoc autem decretum publici iuris fieri et in Acta Congregationis de Causis

Sanctorum Summus Pontifex referri mandavit.

Datum Romae, die 2 mensis Aprilis A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis