Acta Apostolicae Sedis - Commentarium Officiale528

litate, tum in studio sese discruciandi profecit. Omnia igitur plena illa, qua

Christicolam decet, laetitia accipiebat, quam cum franciscalis, tum claralis

consuetudo mirum in modum testatur. Haec vero, in Christi cruce dumtaxat

gloriabunda, sacerdotibus ad sanctitatem perducendis, per orationem suique

oblationem, quamdiu vixit, operam dedit. Quam magno denique studio

caritatis flagraret, id praesertim anno 1944, altero saeviente populorum

conflictu, eminuit, cum velivola incursantia, asceterio globis ignivomis

diffracto, sacrarum virginum numerum imminuerunt. Tunc enim Dei Ancilla,

licet graviter percussa, ad levandos cruciatus earum quae supererant totam

se contulit, adeo ut somno ciboque se abstineret.

Cum tamen, vertentibus annis, prima signa eius morbi, quo ipsa moritura

erat, apparuissent, sui asceterii claustra relinquere coacta, Romam, in Camil-

lianum valetudinarium phthisi laborantium, adducta est. Quam quidem

occasionem captavit haec virgo quo maiore animi intentione pro sacerdoti-

bus, pro vocationibus augendis, pro incolumitate eius qui « alter dulcisque

Christus in terris », denique pro hominum salute, se Deo devoveret. Quae,

licet languentibus viribus, etiam in compluribus valetudinariis, in quibus

extremam ipsa aetatem degit, singularem suae odorem caritatis effudit,

omnia omnibus facta eademque tamquam consolationis angelus aegrotanti-

bus exsistens. Etenim, quamdiu inter iuniores aegrotas fuit, ad Christianae

doctrinae institutionem se rettulit quapropter Deo devotam virginem, in

studium sanctae precationis innixam, aegrotantium ministrae sorores adeo

admirabantur, ut postea, quod emorienti adsiderent eiusque exuvias vesti-

rent, id maximo sibi honori ducerent.

Barii tandem, caelesti viatico per ipsum Ioachimum fratrem, qui interea

sacerdotium inter Rogationistas inierat, refecta, suis aegrotisque sodalibus

maximo studio prosequentibus, sancte in Domino obdormivit die 9 mensis

Martii anno 1948, hora septima, eodem scilicet die et hora ac ipsa sese de-

cessuram praedixerat. Deinde vero, post iusta funebria, quae ibidem facta

sunt, in coemeterium Albanum translatum est corpus; quod tandem, iam

usque ab anno 1999, in templo illius asceterii, quod ipsa viva dilexerat, iacet.

Increbrescente autem post mortem eius fama sanctitatis, quae ceterum,

dum vixit, iam pervulgata erat, in Barensi Curia, a die 29 mensis Novembris

anno 1983, ad diem 8 mensis Martii anno 1990, Inquisitio dioecesana est

instructa; cuius vim iuridicam haec Congregatio de Causis Sanctorum ratam

habuit per Decretum die 14 mensis Maii anno 1993, latum. Positione confecta,

more tralaticio disceptatum est num Dei Ancilla christianas virtutes, easque