Congregatio de Causis Sanctorum 533

Attenta quidem gravi valetudinis condicione, familiares, propinqui, soro-

res valetudinario addictae, christifideles paroeciae, pueri scholae maternae

necnon innumeri senes et infirmi loci in unum congregati preces Deo ferven-

ter effuderunt pro vita infantis Seraphini, enixe impetrantes intercessionem

Venerabilis Servi Dei. De matris voluntate, imaguncula quaedam sacerdotis

Seraphini sub cunulis neonati est apposita. Mane diei 18 mensis Decembris ex

improviso prodigium factum est: deformatio qua puellus afficiebatur prorsus

soluta est ita ut eius status clinicus ad plenam normam rediret.

Perspicua apparet congruentia chronologica et nexus inter invocationem

ad Venerabilem Servum Dei et sanationem infantis Seraphini Corti, qui dein-

ceps bona usus est valetudine ac consuetam relationis vitam gerere potuit.

De hoc asserto prodigio divinitus patrato apud Curiam Archidioecesanam

Mediolanensem instructa est Inquisitio dioecesana a die 24 mensis Maii anno

2005 usque ad diem 21 mensis Martii anno 2006; cuius iuridicam validitatem

agnovit Congregatio de Causis Sanctorum Decretum vulgans die 9 mensis

Iunii anno 2007. Deinde diversa Acta Inquisitionis dioecesanae subiecta sunt

studio et iudicio Consilii Medicorum huius Dicasterii die 29 mensis Octobris

anno 2009 et, post ulteriorem investigationem Mediolani actam, die 11

mensis Novembris anno 2010 periti Medici comprobaverunt gravitatem

valetudinis parvi patientis et agnoverunt recuperationem eius sub lumine

hodiernae scientiae inexplicabilem fuisse. Die 15 mensis Ianuarii anno 2011

habitus est Congressus Peculiaris Consultorum Theologorum, et die 1 sequen-

tis mensis Martii congregati sunt in Sessione Ordinaria Patres Cardinales et

Episcopi, Ponente Causae Exc.mo D.no Rino Fisichella, Archiepiscopo titulo

Vicohabentino. Et in utroque Coetu, sive Consultorum sive Cardinalium et

Episcoporum, posito dubio an de miraculo constaret responsum affirmati-

vum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Venera-

bilis Servi Dei Seraphini Morazzone, Sacerdotis dioecesani et Parochi, videlicet

de celeri, perfecta ac constanti sanatione pueri Seraphini Corti ab « atresia

ano-rettale medio-bassa senza fistola rettoperineale, sottoposta a colostomia

derivativa ».