Congregatio de Causis Sanctorum 887

ALEXANDRINA STATIELLORUM

Beatificationis et canonizationis Servae Dei Carolinae Beltrami fundatricis Soro-

rum v. d. « Immacolatine di Alessandria » (1869-1932)

DECRETUM SUPER VIRTUTIBUS

« Et sponsabo te mihi in sempiternum; et sponsabo te mihi in iustitia et

iudicio et in misericordia et miserationibus » (Os 2, 21).

Serva Dei Carolina Beltrami die 4 mensis Augusti anno 1869 Alexandriae

Statiellorum nata est et insequenti die 7 ad baptismalem fontem ecclesiae

collegiatae in honorem Beatae Mariae Virginis a Nivibus in vico Curte Sancti

Laurentii ducta. Familia eius, firmae innisa christianae traditioni, necnon

bonis opibus ac ordinis adiunctis, perplurimis filiis in annos laetata est,

quorum multi vero primos vitae dies haud superaverunt.

Cum omnes per aliquos annos Mediolanum se contulerunt, Carolina pri-

mariam scholasticam institutionem apud Sorores Canossianas recepit, iam

inde a prima aetate magnum suum religiosorum praeceptorum obsequium

ostendens, quod sponte in ea callido cum ingenio et actuosa mente coalesce-

bat. In Langobarda metropoli initiationem christianam perfecit et, Paeniten-

tiae, Eucharistiae et Confirmationis sacramentis munita, semper se in do-

mestica officia exhibens proclivem, gradatim in apostolatus navitates magis

magisque incubuit. Cum in civitatem natalem rediisset, Serva Dei, iam

duodennis, operam suam catechistae atque oratorii cathedralis ecclesiae

adhortatricis benigne dedit. Speciali modo ingens peculiaris curae puellarum

ac mulierum institutionis animadvertebat momentum, quae illo tempore

omni abusus oppressionisque generi asperrime subiciebantur. Quam ad rem

opus oratorii penitus sublimavit, quod tamquam locum gaudii, educationis

ac laboris fovendi reformavit.

Desiderium, interdum, Deo omnino se consecrandi in ea proficiebat. In-

gressa est, igitur, Institutum religiosum, quod bimestre post vero reliquit,

domum se reddens clarius sibi conscia quod se novam religiosae conversatio-

nis rationem experiri oportebat. Una cum sociis quibusdam, ergo, post actum

Beatissimae Virgini suipsius consecrationis, officinam artis sutilis et textilis

incepit, quae iuvenes mulieres proveheret ad serios fructuososque labores.

Iamiam Serva Dei facta est etiam erani suscitatrix inter operarias atque

« Societatem Sanctae Zitae » instituit, quae domestica in earum munera in-