Congregatio de Causis Sanctorum 881

Carmelitarum Excalceatarum asceterium ingressa, triginta annorum spatium

in austerissima vita, quam secuta est mors propemodum sancta, transegit.

Natus puer in parochiali ecclesia Fiteri, quae est penes Monachos

Cistercienses, baptismatis lavacro regeneratus fuit die 29 Iunii, ac deinde,

cum oportune adolevit, a Reverendissimo D. Didaco de Yepes Episcopo

Turiasonensi sacro Chrismate confirmatus.

Decennis in Seminario Tyrasonensi S. Gaudiosi, Patribus Societatis Iesu

praeceptoribus, receptus, ad annum usque 1615 collegialem egit, et gramma-

ticae ac reliquis litteris, quibus ea aetas informari ad humanitatem solebat,

applicuit animum. Postea ab anno circiter 1616 ad 1621, maioribus Discipli-

nis ac Facultatibus in Academiis Oscensi, Complutensi et Salmantina incum-

bens, eam docilitatis ingenii et excellentiae morum uno ore laudem est adep-

tus, ut praeconceptam de se opinionem nedum fecerit certam, sed etiam

superaverit.

Annum aetatis agebat vicesimum primum per id tempus Dei Servus;

quare a genitore, qui praeclaras ingenii animique dotes in Ven. Ioanne admi-

rabatur, Arizam redux germanis eius fratribus regendis reique familiari ac

feudorum gerendae praeficitur, qui rectissime omnia exsecutus est, Deo

etiam, qui ab illo pericula, in quae id propterea inciderat, avertit, adprobante

Ven. Ioannis rationem agendi.

Non vulgarem prudentiae famam Ven. Ioannes conciliaverat, quae postea

in multo maiorem evasit. Nam, cum generalia Regni comitia in Aragonia

haberentur, eisque Rex ipse Philippus IV interfuisset, adeo ingenio ac

sollertia Servi Dei fuit illectus, ut eum ad aulam Matritensem vocaverit,

ac paulo post, quod anno 1626 contigit, eundem Fiscalis Consilii bellici,

aliorumque Tribunalium Matritensium munere insigniverit.

Postmodum contemnens res humanas omnes Dei Servus, quoniam arun-

dinibus vibratis vento levi fragiliores esse probe intellexerat, praemissis

generali peccatorum exhomologesi ac piis exercitationibus, servatisque ex

instituto Ecclesiae interstitiis, anno 1629 Sacerdotio initiatus est. Atque

per id sane tempus vitae illius austerissimae et ad virtutes omnes institutae

ratio initium fecit, ut iam inde maturum quiddam, et quod ceteris exemplar

esset, praeluceret.

Interea vero, cum Serenissima infans Maria Austriaca Ferdinandi Regis

Romanorum sponsa Germaniam contenderet, eidem a Philippo Rege comes

adiunctus Ven. Ioannes, et Sacellanorum primus atque Eleemosynarius con-

stitutus est. Mira sunt ac praeclara, quae eo in itinere etiam circa religionem,