Congregatio de Causis Sanctorum 391

post-chirurgica con gangrena del piede destro ed infarto cerebrale, manifestatosi

con emiplegia destra ed afasia completa in soggetto gracile e denutrito ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 16 mensis Decembris A. D. 2006.

Iosephus card. Saraiva Martins

Praefectus

L. e S. e Eduardus Nowak

archiep. tit. Lunensis, a Secretis

ROMANA seu CRACOVIENSIS

Beatificationis et canonizationis Ven. Servae Dei Caelinae Chludzińska v. Borzęcka

Fundatricis Congregationis Sororum a Resurrectione D.N.I.C. (1833-1913)

DECRETUM SUPER MIRACULO

Venerabilis Serva Dei Caelina Chludzińska in loco vulgo Antowil prope

Orsza, in Polonia orientali, die 29 mensis Octobris anno 1833 est nata. Ma-

trimonio iuncta cum Iosepho Borzęcki, quattuor generavit filios, inter quos

Venerabilem Servam Dei Hedvigem Borzęcka († 1906) quacum fundavit,

dum vidua maneret, Congregationem Sororum a Resurrectione Domini No-

stri Iesu Christi pro christiana puellarum feminarumque educatione. Progres-

sionem sui Instituti diversis provexit in nationibus. Cracoviae, dum illac

transiret, die 26 mensis Octobris anno 1913 e vita discessit.

Summus Pontifex Ioannes Paulus II, die 11 mensis Februarii anno 1982,

edixit Servam Dei heroico in modo virtutes theologales, cardinales iisque

adnexas exercuisse.

Postulatio Causae, prospiciens beatificationi, examini huius Congregatio-

nis de Causis Sanctorum coniectam miram subiecit sanationem Andreae Me-

cherzyński-Wiktor, quindecim fere annos nati, qui, vesperi diei 20 mensis

Iulii anno 1999, dum se quadam in palaestra exerceret, ex altitudine circiter

trium metrorum delapsus est, in quandam duram superficiem vehementer

caput percutiens. Gravi capitis vulnere afflictus, in valetudinarium Cracoviae