Acta Apostolicae Sedis - Commentarium Officiale388

cum die 18 mensis Octobris sublata est fistula. Mulier perturbata, somnicu-

losa, indicia laborantis iecinoris, hepatomegalia concurrente, praebebat: ita-

que clinici, ratione habita universae condicionis, in qua aegrota versabatur,

prognosim cum quoad vitam tum quoad valetudinem infaustam edebant.

Interea vero, inde ab eo ipso tempore, quo Dominica mulier valetudinario

Maceratensi recepta erat, Parvae Ancillae S. Cordis aliique opem divinam per

intercessionem Caroli Liviero episcopi coeperant invocare. Deinceps duae ex

eodem Instituto Sorores infirmam viserunt et eiusdem Servi Dei reliquias

cervicali supposuerunt aegrotae quae, inde a die 28 mensis Octobris, meliore

coepit esse valetudine, adeo ut subsequenti die 22 mensis Decembris, sanitate

perfecte recuperata, e valetudinario dimitteretur.

Qua de sanatione, statim pro miro habita, anno 2002 in Curia Maceraten-

si-Tolentina-Recinetensi-Cingulana-Treiensi Inquisitio dioecesana est in-

structa, cuius validitatem iuridicam Dicasterium hoc confirmavit per decre-

tum die 15 mensis Novembris anno 2002 latum. Consilium vero Medicorum,

in sessione die 23 mensis Iunii anno 2003 facta, pronuntiavit ipsam sanatio-

nem celerem, perfectam, stabilem, sine reliquatis neurologicis fuisse idque,

ratione habita variarum pathologiarum simul concurrentium, ex arte medica

explicari non posse. Quem casum Consultores Theologi in duobus Peculiari-

bus Congressibus, quorum alter die 17 mensis Octobris, alter die 19 mensis

Decembris anno 2003 habitus est, felici quidem cum exitu, perpenderunt.

Cum autem Patres Cardinales et Episcopi, in Sessione Ordinaria, die 17 men-

sis Februarii anno 2004, congregati, nonnulla in dubium posuissent, in eadem

Curia Maceratensi-Tolentina-Recinetensi-Cingulana-Treiensi anno 2004 In-

quisitio Suppletiva est instructa, per quam ea quidem quaererentur, quae

demum apta fierent ad praedictas difficultates tollendas; cuius Inquisitionis

validitas iuridica rata habita est per decretum die 30 mensis Septembris anno

2005, latum. Postremo vero, in Sessione Ordinaria altera, die 17 mensis Oc-

tobris anno 2006 celebrata, Patres Cardinales et Episcopi, audita relatione

Exc.mi D.ni Andreae Mariae Erba, Episcopi emeriti Veliterni-Signini, Causae

Ponentis, professi sunt sanationem, de qua agitur, vere miraculum, idque

Venerabilis Servi Dei Caroli Liviero intercessioni adscribendum, fuisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Ven. Servi

Dei Caroli Liviero, Episcopi Civitatis Castelli ac Fundatoris Congregationis