Sequenti mense Iulio relinquere potuit valetudinarium et in sedem novitiatus

regredi. Attamen infirmitas inclementer ingravescebat. Mense Novembri mis-

sus est in familiam suam, ea spe ut eius valetudo aliquantum reficeretur.

Superiores condicionem illius decreverunt, nempe ut haberetur « Candidatus

Societatis Iesu ». Ineunte mense Decembri iterum exceptus est in valetudina-

rium, ubi, vera sanctitatis fama circumdatus, in Domino piissime obdormivit

die 17 mensis Decembris anno 1935.

Hac persistente fama, Episcopus Albae Regalensis incepit Causam beati-

ficationis et canonizationis, Processum instruens Ordinarium Informativum

annis 1941-1947. Politica ingruente in Hungaria eversione, Causa subiit in-

terruptionis periodum, donec iter arripuit per celebrationem Inquisitionis

dioecesanae Suppletivae annis 1991-1992. Iuridicam horum Processuum auc-

toritatem agnovit haec Congregatio, decretum vulgans die 18 mensis Novem-

bris anno 1994. Expleta Positione, prout de more, virtutes Servi Dei examini

sunt subiectae. Positivo quidem cum exitu, die 21 mensis Iunii anno 2005

actus est Congressus Peculiaris Consultorum Theologorum. Patres Cardinales

et Episcopi, in Sessione Ordinaria congregati die 14 mensis Novembris anno

2006, Ponente Causae Exc.mo D.no Hieronymo Grillo, Episcopo Centumcel-

larum-Tarquiniensi, edixerunt iuvenem Stephanum Kaszap virtutes theolo-

gales, cardinales eisque adnexas heroico in gradu esse exsecutum.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Stephani

Kaszap, Candidati Societatis Iesu, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 16 mensis Decembris A. D. 2006.

Iosephus card. Saraiva Martins

Praefectus

L. e S. e Eduardus Nowak

archiep. tit. Lunensis, a Secretis

Acta Apostolicae Sedis - Commentarium Officiale372