197. (10. ) In Susceptione Reliquiarum Sancti Magni.

R . Carmina nunc festis psallamus rite choreis, Obvia laetantes pectora qui ferimus.

1. Aurea iam resonent redimitis carmina bombis, Quae variis mixtim vocibus aura ferat. Nil sic perspicuum poterit vox clara referre, Ut decet in tali nunc patris obsequio.

2. Sic devota tamen pandamus ora canentes Pectore de puro hos referendo sonos: Istuc iam properans, Domini dilecte, propinqua, Quo tibi condigna corporis aula nitet.

3. Hic tibi perpetuis resonant concentibus aedes,

Ossibus et sacris semper habetur bonos,

Dum laeti famuli celebrant hic festa benigni

Laudibus instantes nocte dieque tuis.

4. Laetus ob hoc nostros blandusque invisito fines Atque pius servis auxiliare tuis; Iam nunc servitiis famulum consuesce tuorum Prosper et huc vultum flecte, serene, tuum.

5. Dirige corda pius et tempora dirige nostra Atque dies laetos ducere da famulos, Ut semper valeant tibimet cantare quieti, Te quoque caelesti cernere luce poli.

6. Sternere supplicibus ishaec modo patria votis

Et venerans tanti suscipe membra viri,

Ipsas omnigeno decorans cum flore plateas,

Lumine perpulchris obvia lampadibus.

7. Adveniunt pariter necnon comitantur euntem Perspicui fratres, angelici proceres. Qui sancti feretrum circumvolitando beatum Alarum expansu undique membra tegunt.

8. Inde Columbanus, noster pater atque magister, Alpibus excursis aeriisque viis Hic aderit praesens alacrisque ad gaudia tanta Agmina coniungit consociata simul.

9. Coniunguntur ei celeres gressusqne fatigant Tres quoque Francorum Scottigenae pariles, Quos volitans fama asciscens ad gaudia tanta Unitos tulerat dulcibus obsequiis.

10. Obvius hinc proprios Gallus producit alumnos Longius occursu adpropians rapido. Hunc circum medium numerosis coetibus auctus Densatur nitidus caelicolum populus.

11. Omnes qui pariter sancta te voce salutant

Et proprios lares, Magne, subire rogant, Ut, quos aethereis retinet communio templis, Hic quoque consortis iungat honoris amor.

12. Interea Ottmari praestabit cura beati,

Mansio constructa quoque parata fiat, Ut nil displiceat venientis hospitis ori, Omnia splendenti sed niteant facie.