191. (4. ) Item eiusdem ad Processionem diebus dominicis.

R Humili prece et sincera devotione

Ad te clamantes semper exaudi nos.

1. Summus et omnipotens genitor, qui cuncta creasti, Aeternus Christus filius atque Deus, Nec non sanctificans dominator, spiritus almus Unica maiestas trinaque sola Dei.

2. Ipsa Dei genetrix, reparatrix inclita mundi, Quae Dominum casto corpore concipiens Perpetua semper radias cum virginitate, Indignos famulos, virgo Maria, tuos

3. Angelici proceres, caelorum exercitus omnis Aeterno semper lumine conspicuus, Agmine ter trino supero per sidera regno

Laudibus aeternum concelebrans Dominum,

4. Petrus cum Paulo, Thomas cum Bartholomaeo Et Iacobus sanctis nos relevent precibus, Andreas, Mattheus, Barnabas atque Iohannes, Matthias, Lucas, Marcus et altisonus.

5. Coetus apostolicus duodeno sidere comptus, Propitius cunctos protege nos famulos, Et, quos multiplices lacerant per crimina pestes, Peccata absolvens fac bona cuncta sequi.

6. Nunc Stephanus, Linus, Clemens Anacletus et almus Xystus, Alexander Corneliusque pius, Hippolytus, Vitus, Laurentius atque Modestus Chrysogonusque pius nos miserando iuvent.

7. 0 vos martyrio decorati in nomine Christi Conspicui testes, purpurei proceres, Qui bello invicti superastis daemonis iras, Conspirata manus vincere morte minas.

8. Silvester, Damasus, Gregorius Ambrosiusque, Hilarius, Zeno, Maximus atque Leo, Martinus, Proculus, Caesarius Eusebiusque Orent pro nostris criminibus variis.

9. Ordo sacratus confessorum praecipuorum, Auxilio tutos undique redde tuos Atque tua nosmet prece dimittendo reatum Nos fragiles multum cladibus omnigenis

10. Paulus et Antonius, Macarius Arseniusque, Pachomius, Beda, Attala, Paphnutius, Bertolphus, Libertinus, Basillus atque Hieronymus doctor, nos miserate, precor.

11. Galle, Dei summi miles fortissime Christi, Nobis nunc famulis auxiliare tuis. Nil sic perspicuum poterit vox clara referre, Ut decet in tali nunc patris obsequio.

12. Hic tibi perpetuis resonant concentibus aedes Ossibus et sacris semper habetur honos, Cum laeti famuli celebrant hic festa benigni Laudibus instantes nocte dieque tuis.

13. Dirige corda pius et tempora dirige nostra Atque dies laetos ducere da famulos, Ut semper valeant tibimet cantare quieti, Te quoque caelesti cernere luce poli.

14. 0 dilecte Deo, radians virtute corusca

Sancte Ottmare pater, iunge preces pariter. Intercede pius veniam poscendo misellis Aureque iam blanda carmina percipiens.

15. Summe Dei cultor, monachorum rector et abba, 0 Benedicte, sacer atque benigne pater, Istud coenobium coetumque tibi famulantum Nostraque sanctificans cuncta tuere simul.

16. Felicitas felix. Eulalia, Digna, Verena Petronellaque cum perpete Perpetua, Agnes atque Agathes, Christina, Euprepia, Thecla, Eufemia, Regula, Eugenia atque bona,

17. Virginitate chorus resplendens candidularum Turba puellarum integritate nitens, Quae geminis gaudes pulchrum decorata coronis Laude pudicitiae martyriique simul,

18. Omnes nunc sancti, nostris succurrite lapsis Et veniam cunctis ferte iuvando malis; Nam vestris precibus, petitis quaecunque rogantes, Annuit ipse pius nilque negat Dominus.

19. Pacem perpetuam, rogitamus, prospice, Christe, Et sanae vitae gaudia longa diu, Temperiem caeli tribuens, ut copia frugum Omnibus exundet ubere laetitia.

20. Agne Dei patris, qui mundi crimina tollis, Optatae pacis munera dona tuis.

AdminBookmark .

Statt Str. 6

setzt I ein:

Norica regna tuens, Heimrame, precatibus omnes Christo credentes protege, martyr, oves.

Istud coenobium coetumque tibi famulantum Nostraque sanctificans cuncta tuere simul.