195. (8. ) In Susceptione Reliquiarum sancti Magni.

1. 0 rector invictissime Regumque sator inclite, Nostras preces cura carmine Intende nunc piissime.

2. Timenda res est denique, Praesumimus quam tangere, Artus et horum pandere, Quos tu beasti in aethere.

3. Absterge nostra, quaesumus, Peccata, quae commisimus, Ut sancta membra tangere Non poena sit sed praemium.

4. Adest fides promptissima, Spondens per ista munia Nos adjuvari certius; Discedat hinc iam perfidus.

5. Nam spiritus ex sidere Haec creditur revisere, Gaudens honore provehi Quandoque reddendum sibi.

6. Nunc Magnus iste nomine Maiorque Christi munere Defendat alma gratia Plebis viantis pectora.

7. Portamus, ecce, cernui Pignus decoris splendidi Nunc plana, nunc per aspera Ad sedis aptae culmina.

8. Hic civium caelestium Lux clara splendet obvia, Ac compares fidissimi Iunguntur ore nobili.

9. Illic parentis gloriam Summique nati gratiam Cum claritate spiritus Laetis canamus vocibus.