Hartmannus, Abbas Sancti Galli, d. 925.

 188. (1. ) Versus Hartmanni ante Evangelium cantandi.

 189. (2. ) Versus eiusdem de Natali Innocentum

 190. (3. ) Item eiusdem de eadem Festivitate.

 191. (4. ) Item eiusdem ad Processionem diebus dominicis.

 192. (5. ) Tersus Hartmanni ad suscipiendum Regem.

 193. (6. ) In Susceptione Reliquiarum sancti Magni.

 194. (7. ) In Susceptione Reliquiarum sancti Magni.

 195. (8. ) In Susceptione Reliquiarum sancti Magni.

 196. (9. ) In Susceptione Reliquiarum sancti Magni.

 197. (10. ) In Susceptione Reliquiarum Sancti Magni.

 198. (11. ) In Susceptione Reliquiarum Sancti Magni.

189. (2. ) Versus eiusdem de Natali Innocentum

Ad Processionem.

Salve, lacteolo decoratum sanguine festum,

Salvete, innocua corpora fusa neci. Concinit, ecce, Deus, tibimet grex iste pusillus

Festivum laude praeveniendo diem, 5 In qua morte pia puerorum maxima turba

Occidit et victrix regna superna capit. Nam quia terrenum metuit disperdere regnum,

Impius immani rex feritate furit. Audierat regem, quem cuncta oracula dudum 10 Spondebant vatum, virgine matre satum, Iudaicae gentis cui debita regna manerent,

Hocque magos stella testificare nova.

Nec mora, pestifera succenditur efferus ira, Dum sibi praeripier regia iura timet. 15 Mox iubet innocuam ferro prosternere plebem Destinat atque neci corpora lacteola. Perderet ut Christum, dum nemo evaderet ipsum, Inter et innumeros sterneret hunc pueros.