11. De granulis cadentibus in Martio vel Aprili.

Ex his duabus causis concluditur causa granulorum quae cadere consueverunt in Martio vel in Aprili in nostris climatibus, scilicet sexto, et septimo, et ultra in parte octavi quae plus distant a via solis quam alia. Videmus enim granula rotunda rara et frequenter habentia for- mam ciceris. Et haec generantur ex causa mixta ex utraque istarum, scilicet ex vapore magis calido, et magis elevato quam nix, sed minus quam grando, et quasi in termino duorum numeratorum.

a. Quare grauida habent raritatem nivis interius sed non mollitiem, exterius vero comparationem grandinis ?

Et ideo ista interius habent raritatem nivis, sed non mollitiem : eo quod frigus magis vincit super eam : exterius autem tendit in grandinis compactionem : cum autem convertitur aliquantulum vapor ille ex gravitate, subtus dilatatur, et frigus attrahit de magis calido subtili : et ideo efficitur acutum.

b. Designo hujusmodi.

Et hoc signum est, quod frequenter haec mediis temporibus generantur, scilicet in vere et in principio veris, magis quam post medium ipsius : generantur enim frequenter sole existente in Piscibus, et in principio Arietis.