800 Acta Apostolicae Sedis - Commentarium Officiale

CONGREGATIO DE CAUSIS SANCTORUM

MARIANENSIS

Beatificationis et Canonizationis Servi Dei Antonii Ferreira Viçoso e Congregatione Missionis Episcopi Marianensis (1787-1875)

DECRETUM SUPER VIRTUTIBUS

« Pascite, qui est in vobis, gregem Dei » ( 1Pt 5, 2).

Exhortatio Apostolorum Principis audientem attentum et promptum

invenit Servum Dei Antonium Ferreira Viçoso: testimonium eius vitae vir-

tuosae ac emendatae, coniunctum spiritualitatis excelso gradu, roboravit

missioni apostolicae eximiam dedicationem. Inter difficiles politicas-reli-

giosas circumstantias, quae societatem Brasilianam illis temporibus insig-

nabant, effulsit ut fidei lucerna atque humanae christianaeque authenticae

promotionis.

Servus Dei in pago Pertiche in Lusitania die 13 mensis Maii anno 1787

natus est. A puero, praeter disciplinam christianam domi acceptam, cum

Religiosis Carmelitanis in Olhalvo et Santarem conversatus est. Cognita

vocationis sacerdotalis propensione, primo in Santarem seminarium dioece-

sanum petivit atque postea, motus valida admiratione pro missionariorum

labore, domum Patrum Congregationis Missionis in Rilhafoles apud Lisbo-

nensem civitatem. Presbyteratum accepit die 7 mensis Martii anno 1818.

Primo philosophiam docuit in Eborensi seminario et, impleto uno anno, in

Brasiliam missus.

In hac immensa Meridionalis Americae ditione, opera missionaria et

primam provinciam vincentianam constituit et, ab anno 1820 usque ad an-

num 1843, educator in pluribus collegiis ac missionarius in multis regionis

Minarum Generalium paroeciis evasit. Deinde dignitatem Superioris et Vi-

sitatoris Congregationis suae in territorio Brasiliensi recepit.

Electus anno 1843 Episcopus Marianensis, ibi usque ad mortem perman-

sit. Pertinebat enim numero episcoporum « ultramontanos » seu correctorum

paratorum in executione regularum Concilii Tridentini. Verum Marianensem

seminarium correxit, clerum emendavit, vitam religiosam fovit, scholas et