Acta Francisci Pp. 601

fidelibus illarum regionum conscriptis, audita sententia Patrum Cardinalium et Episcoporum die V mensis Maii anno MMXV in Sessione Ordinaria Congre- gationis de Causis Sanctorum coadunatorum, statuimus beatum Iuniperum Serra in Sanctorum album inscribere atque die XXIII mensis Septembris anno MMXV Vashingtoniae, urbe capite Foederatarum Civitatum Americae Septentrionalis, Ipsimet sollemnem ritum eius canonizzationis praesedimus.

Hodie igitur Vashingtoniae inter sacra hanc pronuntiavimus formulam: Ad honorem Sanctae et Individuae Trinitatis, ad exaltationem fidei catho-

licae et vitae christianae incrementum, auctoritate Domini nostri Iesu Christi, beatorum Apostolorum Petri et Pauli ac Nostra, matura deliberatione praeha- bita et divina ope saepius implorata, ac de plurimorum Fratrum Nostrorum consilio, Beatum Iuniperum Serra Sanctum esse decernimus et definimus, ac Sanctorum Catalogo adscribimus, statuentes eum in universa Ecclesia inter Sanctos pia devotione recoli debere. In nomine Patris et Filii et Spiritus Sancti.

Spectabilis hic caeles claras dedit pietatis operumque honorum testi- ficationes, qui ubicumque terrarum tamquam fulgens sidus habetur, unde catholica fides usque proferatur et quam plurimos homines attingat, cum Salvatoris salus et Evangelii beneficia cunctis gentibus largiter destinentur.

Quae autem his Litteris decrevimus, nunc et in posterum rata et firma esse volumus, contrariis quibuslibet rebus minime obstantibus.

Datum Vashingtoniae, die vicesimo tertio mensis Septembris, anno Do- mini bismillesimo quinto decimo, Pontificatus Nostri tertio.

EGO FRANCISCUS

Catholicae Ecclesiae Episcopus

Marcellus Rossetti, Proton. Apost.

Loco G Plumbi In Secret. Status tab., n. 82.669