600 Acta Apostolicae Sedis - Commentarium Officiale

monum morumque indigenarum. Deinde una cum sodali suo patre Francisco

Palou profectus est et in Sierra Gorda plebem Pames Evangelium docuit, in

praedicatione eorum sermonem adhibens, orationes et catechismum conver- tens, eorum humanam christianamque institutionem curans, eos etiam novas

formas artificii et operis agricolaris edocens. Cum Patres Iesuitae e territoriis

a Hispanis rectis expulsi essent, ad eos substituendos in Inferiori California

franciscales vocati sunt. Pater Iuniperus una cum XIV sociis petivit hoc terri- torium, ubi anno MDCCLXIX missionem Sancti Didaci condidit. Ipsemet curavit

fundationem missionum Sancti Francisci, Sancti Ioannis Capistrani et Sanctae

Clarae in ea terra quae tunc vocabatur Superior California, et hodie perti- net ad Foederatas Civitates Americae Septentrionalis. Defessus et aegrotus

recessit in missionem Sancti Caroli Borromeo in Carmelum Montis Regalis, in California, et religiosis solaciis roboratus, die XXVIII mensis Augusti anno MDCCLXXXIV illic pie obiit. Sincerus evangelizationis gigas, tantum in California septemdecim per annos pedibus et flumina mariaque navigans milia et milia passuum percurrit, in aspris et incommodis condicionibus, apostolico ardore sustentatus et Mariali praecipua oratione, id est sacro rosario, ac fide integra et heroica, fulgidum exemplar factus per apostolatus sui fervorem, pauperiorum defensionem et fidelitatem erga Ecclesiam.

Ob continuatam et augescentem sanctitatis famam et portenta in Dei populo Episcopus Montereyensis in California-Fresnensis anno MCMXLIX Pro- cessum Ordinarium Informativum incohavit. Servatis de iure servandis para- taque Positione, Consultores historici positive aestimarunt argumenta histo- rica; dein Consultores theologi votum favorabile dederunt de virtutibus eius heroum ad modum exercitis. Praehabito faventi voto Patrum Cardinalium et Episcoporum de virtutibus heroicis, Decessor Noster sanctus Ioannes Paulus II die IX mensis Maii anno MCMLXXXVII Decretum super virtutibus promulga- vit. Beatificationis causa allata est quaedam sanatio putata mirabilis, quam Consultores medici Congregationis de Causis Sanctorum secundum scientiam

inexplicabilem iudicarunt. Consultores autem theologi in Congressu peculiari

congregati huiusmodi sanationem intercessioni Venerabilis Servi Dei tribue- runt, atque Patres Cardinales et Episcopi eandem verum miraculum divinitus

patratum declararunt. Proinde idem sanctus Ioannes Paulus II die XXV mensis Septembris anno MCMLXXXVIII sollemni ritui eius beatificationis praesedit.

Nos Ipsi vero, audita vota Episcoporum et publicorum magistratuum

Mexici, Foederatarum Civitatum Americae Septentrionalis, Ministri Genera- lis Ordinis Fratrum Minorum plurimisque consideratis petitionibus a christi-