Congregatio de Causis Sanctorum 107

Cum Mariae Eleonorae sanctitatis fama divulgaretur, a die 28 mensis

Mai anni 1955 usque ad diem 7 mensis Iulii anni 1970 in Curia Archiepis-

copali Florentina locum habuit Processus Ordinarius Informativus, quem

secuta est Inquisitio dioecesana suppletiva a die 29 mensis Decembris anno

1998 usque ad diem 9 mensis Decembris anno 1999. Quarum validitatem

iuridicam haec Congregatio confirmavit Decreto diei 9 mensis Martii anno

2001. Dein, Positione confecta, quaesitum est, secundum praxim consuetam,

utrum Serva Dei in gradu heroico virtutes exercuisset an non. Favorabili

habita sententia, die 14 mensis Octobris anno 2011 locum habuit Congres-

sus peculiaris Consultorum Theologorum. Patres Cardinales et Episcopi in

Sessione ordinaria diei 1 mensis Octobris 2013, cui ego Angelus Cardinalis

Amato praefui, statuerunt Servam Dei in gradu heroico exercuisse virtutes

theologales, cardinales iisque adnexas.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tem-

perantia et Fortitudine, iisque adnexis, in gradu heroico, Servae Dei Mariae

Eleonorae Giorgi (in saec.: Mariae Angelae), Sororis Professae Congregationis

Servarum Mariae Virginis Perdolentis de Florentia, in casu et ad effectum

de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 9 mensis Octobris a.D. 2013.

AngeluS CArD. AmAto, S.D.B. Praefectus

L. G S.

G mArCelluS BArtoluCCI Archiep. tit. Mevaniensis, a Secretis