90 Acta Apostolicæ Sedis - Commentarium Officiale

Carmelitarum Infantis Iesu, quarum praecipuum ministerium erat vitam

contemplationis et operam caritatis subsidiique erga pauperes conciliare.

Tum Servae Dei vicissitudines intextae sunt cum casibus Congregationis,

in qua illa nomen suscepit Mariae Teresiae a Sancto Ioseph et cuius brevi

tempore antistita electa et ab omnibus Fundatrix considerata est.

Sequentibus annis, magnus fuit fervor spiritualis, qui in puerorum et

iuvenum derelictorum curam et in iuvenum mulierum institutionem effun-

debatur, quamvis et contentiones, invidiae et quaestiones essent. Secundo

Bello Orbis Terrarum flagrante, Sorores, Servae Dei auctoritate, multibus

hominibus auxilio fuerunt, quorum praecipue multis vexatis, maxime cap-

tivis, tumultuariis militibus et Iudeis, ita ut anno 1992 Servae Dei Status

Israelis nomisma memoriae viri iusti inter nationes tribueret.

Eius spiritualitas singularis fuit in mirabili constantia in vocationem

persequendam. Neglectis multis difficultatibus ante et post introitum in

vitam religiosam, illa vehementer coluit et utiliter exercuit virtutes humanas

et christianas et consecrationis religiosae principia. Serva Dei constanter

progressa est in itinere perfectionis; fides eius iam a pueritia oratione

alebatur, spes exprimebatur in habitu industriosae expectationis, caritas

contendit ad summam sui ipsius Domino deditionem et effundebatur magna

humanitate et benignitate in ministerium erga pusillos et vexatos. Exerci-

tium virtutum, fultum summo Dei obsequio, fuit illi usus cotidianus. Natura

eius, serena ac laeta, mira cum fortitudine coniungebatur. Mater Teresia

fuit secundum biblicam memoriam « mulier fortis », capax fructuum copio-

sorum et diuturnorum. Assidua opera eius difficillimis in condicionibus et

in Sorores tuendas et in proximos iuvandos tempore belli nazistarumque

irruptionis eam agere coegit. Mater Teresia omnino sui ipsius immemor,

summa simplicitate gloriam Dei et salutem fratrum sua in vita persecuta est.

Die 12 mensis Iulii anno 1946 gravi peritonei inflammatione e vita

excessit.

Virtute famae sanctitatis, iuxta Curiam Czestochoviensem celebrata est

Inquisitio dioecesana a die 14 mensis Octobris anno 1983 ad diem 31 mensis

Decembris anno 1988, cuius iuridica validitas ab hac Congregatione de Cau-

sis Sanctorum per Decretum diei 11 mensis Maii anno 1991 approbata est.

Exarata Positione disceptatum est secundum normas an Serva Dei virtutes

heroum in modum exercuisset. Die 3 mensis Decembris anno 2011 habitus

est Peculiaris Congressus Consultorum Theologorum positivo cum exitu.