Congregatio de Causis Sanctorum 93

1921 vota religiosa emisit. Die 24 mensis Iulii anno 1936, ab armigeris sedi-

tiosis quibusdam obiter simul inventi, dum, conscii se in magno discrimine

esse vitae, de torculario prope Sanctuarium Sanctae Teresiae a Iesu Infante

Illerdense, quo paucis iam ante diebus confugerant, discedere moliebantur,

et statim plumbis transfossi sunt. Moderator ephemeridis, cui vulgo titulum

Lluvia de Rosas et apud quam operam dabant, his verbis enotavit facinora:

« Sanctuarium Deo atque Hispaniae sanguinem duorum martyrum obtulit.

Opperiamur, igitur, dum de caelo benignum eorum subsidium accipiamus ».

Pater Silverius a Sancto Aloysio Gonzaga, presbyter ex Ordine Carmeli-

tarum Discalceatorum, in vico vulgo dicto Corroncuy intra fines provinciae

Illerdensis die 12 mensis Martii anno 1864 natus est et eodem die ad re-

generationis fontem ductus Gregorii Iacobi nomina sumpsit. Vota religiosa

perpetua die 30 mensis Augusti anno 1883 emisit et Valentiae die 31 mensis

Martii anno 1888 presbyteratu auctus est. Religiosus omnibus pernotus et

valde propter pietatem suam et operam indefessam ad devotionem erga

Beatam Virginem Mariam a Monte Carmelo diffundendam probatus, aequus

indole et hilaris, rerum socialium praesenserat tractum ac sibi se modo cum

« Pater Silverius » esset interfecturum persuadebatur. Mense Iulii anno 1936,

e Conventu Tarraconensi Illerdam fugit, sed cum die 27 mensis Iulii anno

1936 in civitatem adventus est, apprehensus est et una cum aliis presbyteris

ac religiosis in carcerem coniectus. Die 20 mensis Augusti 1936, ad coemete-

rium civitatis cum coetu aliorum undecim ductus est et plumbis transfossus

una cum aliis acclamans: « Vivat Christus Rex! », sibi sanguinem suum mul-

torumque aliorum - uti dictitabat - conscius expediturum esse, ut immensae

licentiae turpitudinis ac neglectae Missae participationis dilueret sordes.

Pater Franciscus ab Assumptione, presbyter ex Ordine Carmelitarum

Discalceatorum, in vico vulgo Montgay intra fines provinciae Illerdensis die

15 mensis Maii anno 1912 natus est et triduo post ad regenerationis fontem

ductus Francisci sumpsit nomen. Vota religiosa perpetua apud Ordinem

Carmelitarum die 8 mensis Septembris anno 1929 emisit et Barcinone die

12 mensis Aprilis anno 1936 presbyteratu auctus est. Eodem anno, pau-

cis post mensibus, una cum fratre suo interemptus est Reverendus Paulus

Segalá Solé, qui, in eodem vico die 18 mensis Octobris anno 1903 ortus

et quadriduo post baptizatus, studiis apud Collegium Fratrum Minorum in

loco vulgo Balaguer inceptis et intra moenia Seminarii dioecesani Illerdensis

expletis, die 2 mensis Iunii anno 1928 presbyteratu auctus est. Ambo fra-