98 Acta Apostolicæ Sedis - Commentarium Officiale

SANCTI GERMANI

Beatificationis et Canonizationis Servae Dei Mariae Elisabethae Turgeon Fundatri-

cis Congregationis Sororum a Domina Nostra Sancti Rosarii de Sancto Germano

(1840-1881)

DECRETUM SUPER VIRTUTIBUS

« Meus cibus est, ut faciam voluntatem eius, qui misit me, et ut perficiam

opus eius » ( Io 4, 34).

Serva Dei Maria Elisabetha Turgeon die 7 mensis Februarii anno 1840

Bellomontii prope civitatem Lévis in Quebecensi provincia Canadensis na-

tionis, quinta ex decem filiis, nata est. Cum optimo admodum indueretur

ingenio, studia valde perseverare cupivit, sed praematura mors patris eam

modo quindecim annos natam perpulit, ut tantum propositum suum ad

tempus seponeret. In quattuor iunioribus ergo sororibus educandis maternae

operi subveniens apud larem degit. Iuvenili aetate illa autem Maria Elisa-

betha corroboratae suipsius fidei profectum iam patenter exhibuit.

Vicesimum primum aetatis agens annum, Scholam Formationis Docen-

tium Laval in Québec demum frequentare valuit, ut sese ad magisterium

exercendum compararet. Intervallis quibusdam salutis causa sane intermis-

sis, Serva Dei anhelatum titulum magistrae proficienter adepta est. Anno

1863, scholae in vico Sancti Romualdi de Etchemin moderandae, haud longe

scilicet a domestica sede, sumpsit onera, quae feliciter adimplevit, licet bis

contra aspexerit mortem et magisterium ipsum in annum eam deserere

fuerit necesse. Exeunte anno scholastico 1871-1872, infirmitas eam in hoc

officium in perpetuum remittendum adegit.

Valetudine resumpta, Maria Elisabetha aulam scholae privatae in Pa-

roecia S. Rochi in Québec aperuit, quam nec vero quidem valuit retinere.

Praefidens ad divinum confugit auxilium per intercessionem « bonae sanctae

Annae » et professa est se gratuito, si impetravisset sanationem, in vico

Sanctae Annae de Beaupré praecipientis daturam esse operam. Ad huic

promisso satisfaciendum, Dominus Ioannes Langevin, qui episcopus Sancti

Germani interdum electus erat, ab ea petiit, ut informaturam parvam in-

stitutricum gereret societatem. Et quamquam Elisabetha ob infirmam vale-

tudinem suam annuere nequiit, tertio tamen instante Episcopo, hanc quasi