86 Acta Apostolicæ Sedis - Commentarium Officiale

ACTA CONGREGATIONUM

CONGREGATIO DE CAUSIS SANCTORUM

MAIORICENSIS

Beatificationis et Canonizationis Servi Dei Ioachimi Rosselló i Ferrà Sacerdotis Fundatoris Congregationis Missionariorum SS. Cordium (1833-1909)

DECRETUM SUPER VIRTUTIBUS

« Hoc enim sentite in vobis, quod et in Christo Iesu » ( Phil 2, 5).

Paulina exhortatio generose ac constanter recepta est in vita et in operi-

bus Servi Dei Ioachimi Rosselló i Ferrà, qui mortali suo itinere « cogitationum

Cordis Iesu » particeps fuit et de iis testimonium fideliter et congruentia

perhibuit.

Hic Servus Dei die 28 mensis Iunii anno 1833 Palmae Maioricae natus

est eodemque die baptismali fonte lustratus. Sextus ex octo filiorum modes-

tae familiae fuit. Iam a pueritia, institutus praecipue a matre, praeclara ei

indoles erat ad spiritualia et religiosa, in adulescentia prima signa sacerdo-

talis vocationis manifestavit, cuius magnum percipiebat desiderium, tamen

primum necesse fuit eum operam dare ut famulus in officina ad theobro-

matis concretiones conficiendas et deinde ut faber lignarius. Tum demum

beneficiis alicuius boni viri, potuit in Seminarium Maioricensem ut externus

adire. Interea cognovit et frequentavit quosdam sacerdotes et religiosos

viros, qui nolebant ex claustris suis seu institutis consecratae vitae politi-

cis vicissitudinibus impediri ac amoveri, quorumque exemplum et doctrina

maxime valuit eius in animi indole et vocatione sacerdotali constituenda.

Sacro ordine presbyteratus auctus est die 21 mensis Martii anno 1858.

Munus pastorale eius statim eminuit in sincera conquisitione spiritus

profunditatis et contentionis animi ad sanctitatem etiam per participationem

in vitae religiosae opportunitatibus. Maxime se tradidit praedicationi ac

missionibus in populum, incepit etiam devotionem in Iesu Sacrum Cor, prae-

cipue per consessus et societates seminaristarum et iuvenum sacerdotum,