88 Acta Apostolicæ Sedis - Commentarium Officiale

Extremis annis vitae Servus Dei reliquas vires magis adhibuit ad exer-

citium spiritualem sui officii, laudans et exhortans apostolatum iuvenum

religiosorum. Istis temporibus incepit manifestare corporis sanitatis defec-

tionem praecipue quia laborabat diabetae morbo, qui eum magno tempore

cruciavit et inter incommoda et dolores eum ad mortem perduxit die 20

mensis Decembris anno 1909.

Fama sanctitatis, a die 11 mensis Decembris anno 1934 ad diem 18

mensis Octobris anno 1944 iuxta Curiam Maioricensem Processus Ordinarius

celebratus est, quem Processus Rogatorialis iuxta Curiam Vicensem et Sup-

pletivus iterum in Curia Maioricensi secutus est, quorum iuridica validitas

ab hac Congregatione de Causis Sanctorum per Decretum diei 17 mensis

Ianuarii anno 1992 approbata est. Exarata demum Positione, disceptatum est

secundum normas an Servus Dei virtutes heroicum in modum excoluisset.

Positivo cum exitu, die 15 mensis Aprilis anno 2011 Congressus Peculiaris

Consultorum Theologorum habitus est. Patres Cardinales et Episcopi die

9 mensis Aprilis anno 2013 Ordinaria in Sessione congregati, me Angelo

Cardinale Amato praesidente, agnoverunt Servum Dei heroicum in modum

virtutes theologales, cardinales et adnexas excoluisse.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tem-

perantia et Fortitudine, iisque adnexis, in gradu heroico, Servi Dei Ioachimi

Rosselló i Ferrà, Sacerdotis et Fundatoris Congregationis Missionariorum SS.

Cordium, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 2 mensis Maii a.D. 2013.

AngeluS CArD. AmAto, S.D.B. Praefectus

L. G S.

G mArCelluS BArtoluCCI Archiep. tit. Mevaniensis, a Secretis