Acta Apostolicae Sedis - Commentarium Officiale298

Superiorissa Generalis refecta est, ut consociarum voluntati, nec de Congre-

gationis officiis deducens quicquam, cederet.

Mense Ianuario anni 1905, Serva Dei gravissime aegrotavit et, post acer-

ba tormenta duas hebdomadas perducta, mane diei 6 mensis Februarii anno

1905, Olpae, multorum admiratione atque amore circumfusa, pie in Domino

quievit.

Hanc ob sanctitatis famam die 20 mensis Iulii anno 1964 ad diem 29

mensis Iulii anno 1970 apud Curiam Paderbornensem Causa Beatificationis

et Canonizationis inita est per celebrationem Processus Ordinarii, cuius auc-

toritas et vis iuridica a Congregatione de Causis Sanctorum decreto diei 25

mensis Octobris anno 1996 probatae sunt. Positione confecta, iuxta suetum

morem, die 26 mensis Februarii anno 2002, in Congressu Peculiari Consulto-

rum Historicorum et, die 23 mensis Iunii anno 2009, in Congressu Peculiari

Consultorum Theologorum, prospero cum exitu disceptatum est an Serva Dei

more heroum virtutes christianas exercuisset.

Patres Cardinales et Episcopi in Sessione Ordinaria diei 16 mensis Martii

anno 2010, audita relatione Eminentissimi ac Reverendissimi Domini Pauli

Iosephi Cardinalis Cordes, Causae Ponentis, professi sunt Servam Dei virtu-

tes theologales, cardinales iisque adnexas in modum heroum coluisse.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servae Dei Mariae

Teresiae Bonzel, fundatricis Instituti Sororum Pauperum Franciscalium ab

Adoratione Perpetua de Olpe, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 27 mensis Martii A. D. 2010.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis