Congregatio de Causis Sanctorum 289

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Beatissimus

Pater, vota Congregationis de Causis Sanctorum excipiens rataque habens,

hodierna die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine, iisque adnexis, in gradu heroico, Servi Dei Ioannis

Francisci Gnidovec, Episcopi Scopiensis, ex Congregatione Missionis, in casu et

ad effectum de quo agitur.

Mandavit autem Beatissimus Pater ut praesens decretum publici iuris

fieret et in acta Congregationis de Causis Sanctorum referretur.

Datum Romae, die 27 mensis Martii A. D. 2010.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis

TUSCULANA

Beatificationis et Canonizationis Servi Dei Aloisii Novarese, Sacerdotis Dioecesani

Fundatoris Piae Unionis Silentium Operariorum a Cruce (1914-1984)

DECRETUM SUPER VIRTUTIBUS

« Benedictus Deus et Pater Domini nostri Iesu Christi, Pater misericor-

diarum et Deus totius consolationis, qui consolatur nos in omni tribulatione

nostra, ut possimus et ipsi consolari eos, qui in omni pressura sunt » (2 Cor.

1, 3-4). Servus Dei Aloisius Novarese istis in verbis praecipuam veritatem

invenit, quae sic comprehendi potest: patiens praesertim aegrotus, in munere

Consolatoris Spiritus « apostolus » et consolator fratrum suorum, qui in afflic-

tionibus sunt, esse debet.

Servus Dei Casali iuxta Alexandriam Statiellorum die 29 mensis Iulii

anno 1914 natus est, novem filiorum extremus, iam ab adulescentia dolorem

expertus est propter tubercularem coxitem, quae, neglectis curis et receptio-