Acta Apostolicae Sedis - Commentarium Officiale292

Novarese, Sacerdotis Dioecesani et Fundatoris Piae Unionis Silentium Opera-

riorum a Cruce, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 27 mensis Martii A. D. 2010.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis

NOVAE AURELIAE

Beatificationis et Canonizationis Servae Dei Henricae Delille, Fundatricis

Congregationis Sororum a Sacra Familia (1812-1862)

DECRETUM SUPER VIRTUTIBUS

«Hoc est praeceptum meum, ut diligatis invicem, sicut dilexi vos; maiorem

hac dilectionem nemo habet, ut animam suam quis ponat pro amicis suis »

(Gv 15, 12-13).

Adhortatio Iesu in Evangelio Sancti Ioannis singulari virtute mirum opus

caritatis perstringit, quod Serva Dei Henrica Delille tempore peregrinationis

in mundo perfecit, puram atque inexceptam in Deum et proximum benigni-

tatem, vera serva pro omnibus effecta, tamquam fulcrum vitae suae iugiter

disponens.

Venerabilis Serva Dei in insula civitatis Novae Aureliae in Civitatibus

Confoederatis Americae Septentrionalis inter annos 1812 et 1813 nata est e

matre libera afra-americana genere et ignoto patre.

Inde a tenera undecim annorum aetate, Henrica effuse mancipii miserias

percepit ac pro servorum dignitate constanter actuoseque iam incepit se

implicare. Anno 1836, una cum dilectis amicis quibusdam crebrum iuvenum

afrarum-americanarum coadunavit coetum, piam confraternitatem insti-

tuens, cui nomen « Congregatio Sororum a Praesentatione Beatae Mariae

Virginis » dedit. Consociae sic aggregatae vitam se expleturas christianam