Iohannes de Garlandia, Magister Studii Parisini, d. nach 1252.
372. (1. ) De Conceptione beatae Mariae.
373. (2. ) De Conceptione beatae Mariae.
374. (3. ) De Conceptione beatae Mariae.
375. (4. ) De beata Maria Virgine.
376. (5. ) De sancta Katharina.
377. (6. ) De Principio Magistrali.
1. Ludo praeter solitum
et ludendo salto, Applico, qui fueram
fluctuans in alto, Regis natalitia
caelestis exalto, Iam nova progenies
caelo demittitur alto.
2. Carceris excutio
catenas ex collo, Cum plausu repatrians,
quod est meum, tollo, Per quem iugum tollitur,
Dominum extollo, Casta, fave, Lucina, tuus
iam regnat Apollo.
3. Doctorem laudabimus
eum describentes, Quem benignum sensimus
saepe delinquentes, Saepe nos adduxerat
secum colludentes, Saepe refert animus
lusus gravitate carentes.
4. Sua pulchritudine
superat affines, Gallicanos undique
perscruteris fines, Eum ferre lauream,
velis vel non, sines Ob digitos Baccho
dignos et Apolline crines.
5. Naturae ditaverat
largitas doctorem, Dans illi dulcedinis
melicae canorem, Singularem contulit
florentis honorem Oris et in niveo
mixtum candore ruborem.
6. Sapit linguam Tullii
vox oris facundi, Fontem pigmentarium
pectoris profundi, Doctrinale balsamum
sermonis iucundi Dictaque mirantum
magni primordia mundi.
7. Ratione logica
destruit errores, In arte syntaxeos
superat maiores, Dirigit erraticos,
instruit minores, Hic canit errantem
lunam solisque labores.
8. Curego nequissimus
Verres paret verri, Optet ut in Socratem
Anytos deferri Aut ut Nero Senecam
faciat offerri; Quis furor, o cives,
quae tanta licentia ferri ?
9. Citius avertite
scuticorum lora, Aut de vestro scelere
personabunt fora, Nascetur confusio
cessabunt priora Olla ceu mundi
suprema coegerit hora.
10. 0 doctor liberrime,
dissolve catenas Et disiungas compedes
et laxes habenas, Quae nostras ex studio
minuerunt genas, Parte leva minima
nostras et contrahe poenas.
11. Magister de cetero
ludat cum magistra Dicens: crura candida
nobis subministra Ostendendo mentulae
turgida registra, Ceu gerat in dextra
baculum clavamque sinistra.
12. Amodum refugium
invenire spero, Ludam cum puellulis,
illud est, quod quaero, Petrus, noster socius,
bacchatur ex mero Et clavam ostendens:
haec, ait, arma gero.
13. Noster doctor doctior
est inter doctores, Est inter discipulos
mitis mitiores, Comis comes omnibus,
sive sint algores Seu mulcent zephyri
natos sine semine flores.
14. Ergo qualis fuerit
doctor, si quis quaerat, Ex praedictis animum
certiorem gerat, Hic doctorem audiat,
et audita serat, Inscribat foliis:
Naso magister erat.