374. (3. ) De Conceptione beatae Mariae.

Hymnus Tertius.

1. Solis superni regia, Te summa fulcit gratia Septem columnis aureis Et clausulis eburneis.

2. Pyropus illic emicat,

Opusque fabrum praedicat,

Materiae praeiudicat,

Hanc Christo sedem vendicat.

3. Huius domus inceptio Est virginis conceptio, Casae colunt hanc corporum, Ut tecta mundet pectorum.

4. Semen solo committitur, Quo vita mundo redditur, Suo colonus semine Loto revivit crimine.

5. Serena virgo virginum, Noctem serena fientium, In hoc mari tam mobili Tu risus esto flebili.

6. Pedes regas per lubricum Pede regendo lubricum, Ne vox opusque iambicent Statumque mentis implicent.

7. Oliva, pacis virgula, Nos expiet virguncula Reisque rumpens vincula Salvet suos per saecula.