373. (2. ) De Conceptione beatae Mariae.

Hymnus secundus.

1. 0 parens virgo pariens parentem, Splendor aestivus sine carnis aesta, Dumus incensus, sine rore virga Florida, salve.

2. Germinat radix, humus irrigatur, Planta pubescit, rosa purpuratur, Hortus alludit, violae resultant, Incola plaudit.

3. Lucis allatrix, medicina morbi, Scelerum latrix, lavacrum reorum, Gratiae mater, genetiva pacis Surgit oliva.

4. Virgo lactatrix, genetrix pudica,

Laeta spes, vernans via, sol obumbrans, Umbra perlucens, inarata tellus, Perdita reddis.

5. Erigas lapsos, tenebras serena, Vise desertos fragilesque firma Pauperes dita, moderare modum, Pectora munda.

6. Vasculum fusum Ioachim decorum Nectar includat, satiem virorum, Manna de caelo, medicum reorum, Cuncta regentem.

7. Summe rex clemens, tribuas colenti Festa conceptae genetricis almae Posse caelestem patriam videre Te duce, Christe.