323. De sancta Margareta.

la. Margaretae collaudemus,
Corde, ore decantemus

Virtutum insignia,

1b. Rachel suum pascit gregem,
Praesens quaerit nomen, le-
gem,
Raptus ad suspiria.

2 a. Margareta sum vocata,
Generose procreata,
Christi cultus dicitur.

2 b. Carcer claudit, gemma latet,
Dum applaudit, draco patet,
Casto pede sternitur.

3 a. Dum non cedit
Virgo exuitur,
Virgis caedit

Tortor et vincitur.

3 b. Virginea

Membra dilaniat,
Et ignea

Lampas excoriat.

4a. Concha plena
Rubens gena

Quassatur, percuttitur,

4 b. Porcis sita
Margarita,

Hortus clausus spargitur.

5 a. O quam fortis femina,
Fortia certamina

Superat nec suspirat.

5 b. O quam vilis praefectus,
Moris mutat affectus,
Quam tam amat, trucidat.

6 a. Miserere

tuae pulchritudinis.

6 b. Misereor

divinae imaginis.

7 a. O quam firma fide
Profert intrepide
Verba deifica:

7 b. O quam sunt lutei
Tyranni laquei,
Dicta sophistica.

8 a. Margarita tu diceris,
Margaritis prae ceteris
Fragrans sicut lilium;

8 b. Tu es vellus in area,
Granum purum a palea,
Florens flos convallium.

9 a. Laudes ergo Margaretae
Personemus omnes laete
Voce clara.

9b. Orat scandens in superis
Omni hora pro miseris
Exorata.

10 a. Ave virgo gratiosa.
Patri tuo odiosa,

Christo sponso dilecta.

10 b. Ave fulgens margarita,

Pulchra prudens et inclita,
Morum gemma electa.

11a. Felix, quae tot milia
Traxit per martyria
Ad choros sanctorum.

11b. Hora mortis exoret,
Ut salutem imploret
Memoris agonum.

12 a. O columha humilis,
O aquila nobilis,
O columna stabilis,
Morte ruis.

12 b. O puella parvula,
Omni carens macula,
Necis dira jacula
Laeta subis.

13 a. Caput amputatur,
Luna eclipsatur,
Hostia immolatur.

13 b. Jesu, spes populi,
Post finem saeculi
Nobis te sine frui.