306. De sancto Laurentio.
Altera die Octavarum.

la. Gratuletur

mater ecclesia,
Puri cordis

depromat gaudia ;

Ib. Laurentii

laudes et studia
Nostri chori
sonet concordia.

2 a. In clericum

pater ex liberis
Dum sorte vult
unum eligere,

2 b. Puer sanctus

in sortem Domini
Sine sorte

se transfert libere.

3 a. Abbas factus

patris verberibus
Pia matris

adjungit ubera.

3 b. Dante Deo

creatus pontifex,
Plus honores

fugit quam onera.

4 a. Dorsum suum
domat cilicio,
Pari torquens
crura supplicio ;

4 b. His accedit

supplex oratio,
Impinguata
jugi jejunio.

5 a. Aquam bibit,

quae vinum simulat
Uvae super

aspersa sanguine.

5 b. Laudem fugit,

sed laudem cumulat
Novo virtus

latens sub tegmine.

6 a. Dat quingentis

ex suis dapibus
Omni die

cibum pauperibus,

6 b. Et projectos

a duris matribus
Dat alendos
piis nutricibus.

7 a. Nudos vestit,

captivos redimit
Et liberat,

quos hostis opprimit.

7 b. Sic thesauros

paternos dirimit
Et coelomm

thesauris imprimit.

8 a. Sic egenis

cuncta disperserat, .
Quod vel nummum
migrans non habuit.

8 b. Quia nihil

dandum supererat,
Testamentum
nullum disposuit.

9 a. Bonis ergo

sequamur moribus,
Quem jam scimus
adeptum requiem,

9b. Ut possimus

illius precibus
Regis regum
videre faciem.

S07. De sancto Laurentio.
Die Tertia.

la. Interna cordis gaudia
Concordi vox harmonia
Demonstret exterius,

1b. Gratuletur Hibernia,
Sed Augensis ecclesia
Resultet uberius.

2 a. Hac in die Laurentius,
Christi praesul egregius
Urbis Dubiliniae,

2 b. Clarus regali genere,
Clarus virtutum opere
Causam dat laetitiae.

3 a. Hic ad baptisma delatus
Laurentius est vocatus
Prophetali famine,

3 b. Ut lauro sit coaptatus
Nec laurea sit privatus,
Tali datur nomine.

4 a. Auri viror non marcescit,
Semper viret, uri nescit
Hiemali frigore;

4b. Puer sanctus sic virescit,
Gratiarum dum excrescit
Et virtutum foenore.

5 a. Praesul ergo consecratur,
Christo totus immolatur,
Thuri myrrha sociatur,
Ut pura sit hostia.

5 b. Tubae sonum decorabat
Cithara, quae resonabat,
Dum agit, quod praedicahat,
Dulcis fit melodia.

6 a. Viscerosus pietate,
Totus ardet caritate
Depressorum egestate
Eelevans inopias.

6 b. Nudis praestat indumentum,
Famelicis alimentum,
In pauperum nutrimentum
Dispergit divitias.

7 a. Fame, siti cutis aret

Et, ut lampas corruscaret,
Morbos sanat, signis claret
Et lucet virtutibus.

7 b. Furiosae sensus datur,
Caput laesum mos sanatur,
Marescalo condonatur
Salus ejus precibus.

8 a. O quam felix Hibernia,
Tanti nutrix praesulis,
Quo susceptrix Normannia
Refulget in populis.

8 b. Dolet nrbs Dubilinia
Carens hoc antistite,
Et Augensis ecclesia
Tanto gaudet hospite.

9 a. O Laurenti,

praesul egregie,
Nunc incola

civisque patriae,
Nos miseros

in via refove,
Diros hostis

insultus remove.

9 b. Triumphali

qui fulges laurea,
Coeli nitens

aula siderea,
Post praesentis

vitae naufragium
Nos sublevans

perduc ad bravium.

808. De sancto Laurentio.
Die quarta.

la. Laude multifaria
Attollat praeconia
Praesulis Laurentii

1b. Nostra laeta concio,
Lingua, mens et actio
Sint consona gaudii.

2 a. Laus decet Laurentium,
Sed hunc plebs Augensium
Collaudet prae omnibus,

2 b. Cujus namque mentum
Augum reddit inclitum
Signis et virtutibus.

3 a. Nato de stirpe regali
Nomen jussu prophetali
Mutatur divinitus,

3b. Florem spernens mundialem
Sponte sumit clericalem
Sortem puer inclitus.

4 a. A primaeva mox aetate
Mira morum gravitate
Refertus et gratia,

4 b. Voluptates abdicavit

Seque Deo dedicavit

Viva factus hostia.

5 a. Sic promotus in abbatem
Tandem sumit dignitatem
Sedis Dubiliniae,

5 b. Ubi carnem disciplina,
Yictu, veste cilicina
Afflixit quotidie.

6 a. Sic abjectos parvulos

Omnes nutriebat,
Quos in signum bajulos

Crucis faciebat
Et per dies singulos,

Ut tempus urgebat,
Quingentos pauperculos

Ad mensam alebat.

6 b. Sic justis operibus

Praesul insistendo,
Desolatis omnibus

Pie consulendo,
Thesauris coelestibus

Semper reponendo,
Pauper fit pauperibus

Cuncta largiendo.

7 a. Annis istis

dum hostem publicum.
Mundum, carnem
sibi suppeditat,

7 b. Capellano

vitam restituit,
Triduanum

de morte suscitat.

8 a. Qui jam sanas innumeros
Defunctos, aegros ceteros,
Caecos, claudos et debiles

8 b. Nunc a nobis illecebras
Carnales et post tenebras
Excludas prece flebiles.

9. Ut per te plena criminum
Nobis concessa venia
Perenni tecum Dominum
Collaudemus in gloria.