300. De s. Katharina Senenensi.

la. Lux advenit veneranda,
Lux in choris jubilanda
Luminosis cordibus ;

1b. Hujus laeta lux diei

Festum refert sponsae Dei
Decantandum laudibus.

2 a. Haec de Senis oriunda

Katharina, virgo munda,
Justis ex parentibus,

2b. Mundum, carnem, hostem
fregit
Et triumphum victrix egit
Ornata virtutibus.

3 a. Matrem Christi venerandam
Omni gradu salutandam
Lustro primo didicit,

3 b. Multis sanctis comitatum
Se benedicentem Christum
Virgo sancta conspicit.

4a. virginalis vitae votum

Deo spondet quam devotum
Aetatis septennio;

4 b. Ob haec virgo tribulatur,
Sed a Deo liberatur
Columbae indicio.

5 a. Regularis vitae statum

Amplexatur institutum

A sancto Dominico:

5 b. Hunc adepta virgo sancta
Mox miranda claret vita
Deo placens unico.

6 a. O quam cara, quam accepta
Christo regi est effecta
Ob hoc virgo gratius ;

6 b. Nam ab ipso visitari
Et de cunctis edoceri
Solebat frequentius.

7 a. Hinc in sponsam subarrhari

Et in fidem desponsari

Meruit cum gloria ;

7 b. Quis condigne potest fari
Quave lingua explicari
Fletus et suspiria,

8 a. Quae fraterna pro salute
Jesu sponso cum virtute
Emittebat saepius,

8 b. Ut peccanti creaturae
Et redempti suo jure
Fieret propitius.

9 a. Christi corpus venerandum
Sic ducebat frequentandum
Magno desiderio,

9 b. Ut, si sibi licuisset,
Omni die id sumpsisset
Pro sui remedio.

10 a. Dulce signum caritatis,
Dum amator castitatis
Cor mutat in virgine,

10 b. Quo sic flagrat, sic movetur
Ut dilectum contempletur
In coelorum agmine.

11a. A quo sane nulla sorte
Nec in vita nec in morte
Separari patitur,

11b. Sed in eum tota rapta
Et a terrra elevata
Deo vero fruitur.

12a. Tandem Christus, dulcis
sponsus,
Pio corde sic conjunctus
Sponsae suae nobili,

12 b. Claram miris prodigiis,

Sacris perfectam studiis
Vitae donat gaudiis.

13 a. Jesu bone, Jesu dulcis,

Qui ad lumen caecos ducis,
Sponsae tuae precibus

13 b. Nos purgatos a peccatis
Fac regnare cum beatis
Omnibus temporibus.

14 a. Tuque, virgo Deo digna,
Mitis, clemens et benigna,
Precibus nos refove,

14 b. Nec oblita pietatis

Ad conspectum deitatis
Populum hunc promove.