262. (8. ) Incipit Oda excitativa militis Christi.

Quid stas? otio quid, pugil, haeres? Belli moveat fervidus horror. Quodsi retrahat frivola virtus, En, auxilium dextera Christi 5 Praestat, fragiles portans umeros. Intende ducis, quam cape, formam, Forti dabitur fulva corona. Prudentia te protegat ante, Et iustitia postera purges, 10 Ac, ne tumeas temne secunda, Laevam retine robore fortis.

Summi capias iussa magistri Servant fragilem, si bene servas, Sermone sacro sternitur hostis.

15 Ensem capias hunc tibi tutum, Nec te subigi crux sinet hosti. Hac qui steterit, non timet illum, Miles tegitur votaque fundens, Moyses populum protegit orans.

20 Scutum fidei suscipe fervens, Ictus poteris tollere victor; Spes det galeam, quae caput abdit, Cape loricam membra tegentem, Quam iustitiae dextra propinet.

25 Multum iuvat et cingere lumbos, Pacis caligas subdere talis, Hostis latitans his cadet armis.