259. (5. ) De sancta Katharina

Laudes non pigeat promere cantibus, Quas virgo meruit, nec meritis pares. Candor virgineus, praecipuus nitor, Quo fulsit sapiens, et stabilis valor 5 Extolli titulis iure petunt novis, Virtutum numerus, quo viguit brevi Hoc vitae spatio sub fragili statu, Extollens Catharinae niveum decus, Quod non dilacerent plurima commoda,

10 Non tollat species, divitiis cadat, Sexus feminei libera portio. Grandis sub tenerae visa scientia Arcano iuvenis multa scientibus, Dum profert fidei mystica dogmata,

15 Non infert aliquid conscia contio Victricis retinens lumina fulgidae Perdentesque animas inveniunt eas. Excellens fragili robur in arbore Experta est, regimen quae tenuit, manus,

20 Dum pulsat precibus, dum furiis minax Carnem dilacerans sub tenebris locat, Ut demptis dapibus praecipitet neci.

Splendor sed famulae gaudia congregat, Ut carnem foveant; pabula praeparat,

25 Verbum fructificat, germina colligit, Fortis terribiles non timuit rotas Et mortem patitur, ne subeat necem, Et lac consequitur vulnera candidum, Montanoque locant vertice funera

30 Dextrae caelicolum, quis refluit liquor Reddens debilibus membra valentia.