386 Acta Apostolicae Sedis - Commentarium Officiale

fuerunt onera ab ipso pro bono proximi sustenta, familiarum praesertim

laborantium pauperumque necnon corpore animaque infirmorum.

Polona societas ex dira bellica tempestate illis annis in certamen dicta-

turae transiit, consentaneam suipsius adiens reformationem ad cuiuscumque

se asseclam fieri reiceret opinionum exceptionem, quae, religioni infensae,

iuxta doctrinam communismi, omnem singulorum proprietatem maxime

denegabant summamque rei publicae licentiam fovebant. Quae tum Servus

Dei expertus est ipse, cum postulatio eius de magisterio tradendo nec res-

ponsum quidem habuit.

Hoc tamen adiunctum fuit illud, quod adeo oculos Georgii in aliam mune-

ris et missionis navitatem reseravit, ut Servus Dei praeceptoris hospitis sub

titulo apud Facultatem Ingeniariae Universitatis Studiorum Khartumensis

in Sudaniae fines sese traicere censeret. Illis in Africae vastitatibus firmius

Coetui adhaesit ecclesiali, cui vulgo nomen « Focolari », ab ipso iam antea

cognito, et a familia secutus est.

Conspectus eius spiritualis enixioris communionis cum Domino eminet

spe, Eucharistia praesertim et assidua Verbi Dei auditione enutrita. Intima

haec Dei coniunctio consuetudinis eius et actuositatis fons fuit egregius.

Servus Dei, enim, vitam maxime coluit, quam uti munus a Providentia ei-

dem commissum et perseverantem cum divina gratia cooperationem ratus

est. Peralto humanae suffultus est dignitatis intellectu, quam ad super-

num lumen summopere curavit fovendam. Vir fuit communionis consessum

proximi quaerens et a seipso neminem secludens, qui pro utilitate aliorum

omnes facultates suas quoad humanum cultum et animae pervestigationem

inconsuetas tradere praestitit. Rerum naturam maxime dilexit, in qua pa-

ternae Dei caritatis quasi umbram reperiebat. Exercitium virtutum vere ei

cotidianum fuit usum, quem ampliore semper benignitate recoluit.

In excursione super Nilum, die 9 mensis Octobris anno 1970, lugendum

incessit scelus, quo, actuaria eius saevum propter navium concursum sub-

mersa, praeter Servum Dei filios etiam duos aliosque quindecim cum iis

in naufragio occubuerunt. Eiusdem tunc Eminentissimus Dominus Carolus

Cardinalis Wojtyła celebravit exsequias.

Ob sanctitatis famam, Causa beatificationis et canonizationis apud Cu-

riam Archiepiscopalem Cracoviensem inita est per celebrationem Inqui-

sitionis dioecesanae a die 31 mensis Decembris anno 1985 ad diem 28

mensis Maii anno 1990 et Inquisitionis Rogatorialis apud Vicariatum Urbis