Congregatio de Causis Sanctorum 381

consiliarius, confessarius promptus ad Domini misericordiam tradendam,

munificus in caritate ac Dei voluntati obsequens.

Extremo quoque vitae tempore auxilium et praesidium ferre non destitit

sororibus religiosis et infirmis, necnon parvo Seminario vulgo La Succursale,

quod anno 1824 condiderat. Hic enim, mense Septembri anni 1852, sex et

octoginta annos natus, animam Domino exhalavit, omnibus qui cognoverant

eum, suavem relinquens memoriam sanctitatis usque in finem exercitae.

Attenta hac sanctitatis fama, apud Curiam ecclesiasticam Tolosanam a

die 12 mensis Martii anno 1954 usque ad diem 14 mensis Aprilis anno 1961

instructus est Processus Ordinarius Informativus; cui anno 1999 additus

est Processus Suppletivus, quorum iuridica auctoritas ab hac Congregatio-

ne per Decretum diei 22 mensis Iunii anno 2001 est approbata. Apparata

Positione, disceptatum est, uti de more, utrum Servus Dei gradu heroico

virtutes exercuisset. Die 18 mensis Septembris anno 2012 actus est Con-

gressus Peculiaris Consultorum Theologorum, positivam ferens sententiam.

Purpurati Patres et Episcopi congregati in Sessione Ordinaria, cui egomet

Angelus S.R.E. Cardinalis Amato praefui, die 5 mensis Novembris anno

2013 agnoverunt Servum Dei theologales, cardinales eisque annexas virtutes

heroico in gradu esse exsecutum.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tem-

perantia et Fortitudine, iisque adnexis, in gradu heroico, Servi Dei Mauritii

Mariae Matthaei Garrigou, Sacerdotis et Fundatoris Instituti Sororum Domi-

nae Nostrae a Compassione, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 9 mensis Decembris a.D. 2013.

angelus card. amato, s.D.B. Praefectus

L. G S.

G marcellus Bartolucci

Archiep. tit. Mevaniensis, a Secretis