Congregatio de Causis Sanctorum 383

vae Dei intercessioni tributam, pueri, quae in vico vulgo Teanek intra fines

Civitatum Foederatarum Americae Septentrionalis anno 1964 occurrit. Puer,

qui vix studia elementaria inierat, defectum visionis animadvertere ceperat

una et deambulationis incessusque difficultates et adnexam asperitatem

morum. Prima diagnosis vitium oculorum et contuitus patefecit congenitum,

quod minime nec sanari nec corrigi poterat. Coniunctis annis, medicus de

valetudine pueri magis in dies perveritus videbatur, qui enim paucos intra

menses pusillum omnino luminibus orbatum praesagiebat.

Tantis in detrimentis et sive aegroto sive familiae infelicissimis adiunctis,

magistra quaedam pueri, quae sodalis erat e Congregatione Sororum Caritatis

Sanctae Elisabethae, ad divinum auxilium confugere statuit per Venerabilis

Servae Dei eiusdem familiae religiosae intercessionem, ut parvi alumni va-

letudinis a Domino fideliter impetraret sanationem. Cuius invocationi etiam

alumni scholae eorundemque parentes et aliae Sorores se sociarunt et iuxta

imagunculam quandam cum effigie Venerabilis Mariae Teresiae Demjanovich

eiusque reliquiam preces fuderunt. Valetudo et intuitus pueri repente pro-

fecerunt et brevi tempore usque ad completam processerunt sanationem.

Clinicae quoque oculorum perscrutationes, quae dein secutae sunt, cuiuscum-

que luminis vitii sive immanentis sive pristini confirmaverunt vacationem.

Continuatio temporis clarissime patuit, sicut et nexus inter invocationem

Venerabilis Servae Dei et pueri sanationem, qui exinde optima gavisus est

valetudine normalesque vitae consuetudines gerit.

De hac mira habita sanatione apud Curiam Episcopalem Patersonensem

a die 10 mensis Iunii anno 2003 ad diem 8 mensis Iulii anno 2004 Inquisitio

dioecesana celebrata est, cuius auctoritas et vis iuridica a Congregatione de

Causis Sanctorum Decreto diei 28 mensis Maii anno 2009 probatae sunt.

Acta dein collecta examini et iudicio Dicasterii Medicorum Collegium

subiecta sunt, quod in Sessione diei 18 mensis Octobris anno 2012 sanatio-

nem rapidam, completam et duraturam, necnon inexplicabilem secundum

hodiernam scientiam medicam fuisse affirmavit.

Die 11 mensis Iulii anno 2013, Congressus Peculiaris Consultorum Theo-

logorum prospero cum exitu factus est ac, die 17 mensis Decembris eiusdem

anni, Sessio Ordinaria Patrum Cardinalium et Episcoporum, cui egomet ipse

Angelus Cardinalis Amato praefui, et in utroque coetu sive Consultorum

sive Cardinalium et Episcoporum, posito dubio an de miraculo divinitus

patrato constaret, responsum affirmativum prolatum est.