Congregatio de Causis Sanctorum 385

CRACOVIENSIS

Beatificationis et Canonizationis Servi Dei Georgii Ciesielski Christifidelis Laici

et Patrisfamilias (1929-1970)

DECRETUM SUPER VIRTUTIBUS

« Munus christifidelium sanctitatem quaerere ». Firma haec Servi Dei

Georgii Ciesielski fuit persuasio, quam ipse saepius vitae tempore excepit

prompte ac constanter est persecutus. Huius enim contentionis spiritualis

fidelis ac probatus fuit testis, cuius imago inter prospectus illos vocatio-

nis laicalis a Concilio Vaticano II nuperrime recensitos eminet, quae intra

laris et laboris fines suipsius afflatus et virtutis christianae eiusdem habet

fundamentum.

Servus Dei die 12 mensis Februarii anno 1929 Cracoviae natus est et

secundo fere post mense ad regenerationis fontem ductus. In modesta familia

christiana pietate et morum doctrina penitus informata institutus, novem

annos natus ad eucharisticam mensam primum accessit.

Eodem autem tempore, post Poloniam a germanico exercitu invasam

acerrimae secundi totius mundi belli tempestates illae, annis 1939-1945,

iamiam grassaturae erant. Haec propter aspera adiuncta et consecutas quoad

rem oeconomicam aerumnas, curriculum studiorum Servi Dei distinctionibus

morisque admodum videtur laboratum: nam, iuvenis Georgius etiam apud

fabricam laborem exercere profectus est. Sacramentum Confirmationis rece-

pit, dispiciens in dies profundo religionis intellectu summaque consociationis

iuvenum motuum sollicitudine, quapropter princeps iuvenum catholicorum

coetus vulgo « scout » nuncupati factus est.

Post bellum Universitati Cracoviensi se ascripsit et lectiones apud Scho-

lam Superiorem Polytechnici audivit. Cum optimis esset corporis virtuti-

bus praeditus, artis gymnicae quoque patravit studia et titulum exercitoris

adeptus est. In artibus natationis vel lapsus super nivem praecipiendis non

modo instrumenta tradebat, sed veram etiam virtutis ingeniique summam.

In oratione interdum et in contemplationis silentio sese ad maximum vitae

suae consilium comparavit, scilicet matrimonium, et, anno 1957, benedi-

cente tum presbytero Carolo Wojtyła ritum coniugii, Danutam Plebanczyk

duxit uxorem, a qua tres habuit filios. In illo tempore, mira una et insignia